تاکسونی طبقهبندی
علمی طبقهبندی ِمرتبه / From Wikipedia, the free encyclopedia
زیستشناسی دله، تاکسونی یا علمی طبقهبندی اتا روش هسته که موجودات ره اتخله سطحها و لِوِلهای مختلف دله رجوَندی کننه و اینتا دستهبندی تونده سِراق هاده که هر حیوون یا گیاهِ تِبار کجه جه رسنه و چتی تکامل پیدا هکرده. قدیم ویشته ظاهر و فیزیکی شباهتون په این طبقهبندی انجام بییه ولی اسا ژنتیک علم جه، موجودات ره دانشمندون نیشرنه تحلیل کانّه و وشون ره دستهئون دله چیندنه.
دستهبندی معمولاً اینتی هسته که هرچی جور (بالاته) ره هارشین، موجوداتِ مشترک و همبازِ خصوصیات میّن هستنه و هرچی تاکسونی دله جیر (پایینته) بئین، دستهها خاصتر وونّه تا آخرسری اتجورِ بخصوص جه رسنّه. هر جور موجود ره اتا دِ کلمهای نوم دِنّه که وه ره علمی نوم گننه و لاتین زوون جه هسته؛ این نوم جه بنشنه تشخیص هدائن که اینتا جاندار کمین دسته و طبقه دله دره.[1]
آل لوآس ره درنظر بیرین: ونه علمی نوم ره Vulpes vulpes بییشتنه که اولین کلمه ره گتِ حرف جه نویسنّه و دومی ره پچوک حرف جه. دومین کلمه که vulpes (پچوک v) هسته، اینجور حیوون ِلاتین نوم هسته. ولی Vulpes (گتِ V) نومی هسته که تموم لوآس ِتیرتبار ره شامل بونه. هرچی لوآس درنه، سک و ورگ و شال همراه، اتا خانواده هستنه که وشون نوم ره Canidae یا سگمونائون یلنه. اتکه جور ته، گوشتخارون ِراسته هسته که علاوهبر سگمونائون، اش، فوک، راسو، راکون و بامشیمونائون ره شامل وونه. گوشتخارون شه اتا گروه هستنه که Mammalia یا کالهدارون ِرجه یا کلاس دله عضو هستنه. کالهدارون هم همینتی Chordata یا رسندارون ِچلّه دله درنه و تموم ِدیگه حیوونها همراهی Animalia یا حیوانات قلمرو ره سازنّه. اینان جه به جور، تموم حیوانات هم یوکاریوت هستنه و زنده موجوداتِ محدوده دله درنه.