اسپهبد خورشید
گاوباریون ِآخرین اسپهبد نوم بییه که تبرستون دله حکومت کارده / From Wikipedia, the free encyclopedia
اسپهبد خورشید (بزائه ۷۳۴ - بمرده ۷۶۱ میلادی) که بعضی سکهشناسون ونه نوم ره خورشید دوم بییشت بینه[1][2] و بعضی معاصر مورخون ونه نوم ره «خورشید شا» بخوندستنه[3]، گاوباریون آخرین اسپهبد بییه که سال ۷۴۸ چاردهسالگی گادِر، حکومت جه برسییه.[4]
خورشید، دادمهر ِریکا | |
---|---|
گیل گیلونشا، تبرستون اسپهبدان، پذشخوارگرون ِفرشواذگرشا | |
اتا سکه که اسپهبد خورشید عکس و نوم ره دانّه | |
زمون | ۷۴۸ تا ۷۶۱ میلادی (۱۳ سال) |
تاج بییشتن روز | ۷۴۸ میلادی برابر ۱۳۱ هجری، ۱۱۷ یزدگردی و ۹۶ تبری، |
لقب(ئون) | فرشواذ مرزبان |
بزائنی روز | ۷۳۴ میلادی |
بزائن ِجا | سارویه، تبرستون |
بمردن | ۷۶۱ میلادی |
بمردن ِجا | دیلم |
قبر | - |
پیش از | - |
پس از | دازمهر پچوک فرخان (نایبالسلطنه) |
همسران | ورمجه هرویه ۹۲تا زن دیگه هم داشته |
کاخ | سارویهٔ اسپهبدی نیشتنگا |
سلسله | گاوباریون |
پیـِر | دازمهر |
وچون | ریکائون: هرمز، دازمهر و وندادهرمز |
دین | زرتشت |
خورشید پییـِر، دازمهر، اونگادِر که وه شیش ساله بییه بمرده و ونه په، پچوک فرخان که خورشید عامو بییه، هشت سال ونه نیابت و قیومیت ره شه وسّه بییته. خورشید که گتته بگردسته، تبرستون حکومت ره شه عامو دَس جه دَربیارده و نیشتنگا دله، تخت ِسَر هنیشته.
خورشید دوره، اتا شورشی که ونه نوم سنباد بییه، ونجه پناه بییته. این آدِم ره قومس و تبرستون میون خورشید ِعامیپسِر بکاشته و ونه سَر ره اسپهبد برسنییه بغداد، عباسی خلیفه پَلی؛ منصور دوانیقی. اَیی منصور شه وچه، مهدی عباسی، ره برسنییه تا وه بتونسته تبرستون ره کلک بزوئن جه فتح هاکنه.
اسپهبد خورشید شه زن و وچه ره شه پول همراهی اتا لی (=غار) دله بییشته و بورده دیلم وَری. اون گادِر هم که وه بشناسته ونه زنوچه ره عربون بَییتنه، خادکاشی هاکرده و بمرده.