آقا خان چاروم
From Wikipedia, the free encyclopedia
شاه کریم الحسینی که وه ره کریم آقاخان و آقاخان چاروم هم گانّه، (بزائه ۱۳ دسامبر ۱۹۳۶، ژنو سوییس دله) اتا مذهبی چهره هسته که اسماعیلیهیِ نزاریهیِ پهروون وه ره شه ایمام دونّه. وه چـِل و نهمین ایمامی هسته که این مذهب دله ایمام علی نسل جه به ایمامت برسینه. این مذهب پونزه میلیون طرفدار دارنه که دنیا دله تنک-تِرو هستنه.
آقاخان اتا گتِ پولدار هسته و سالانه ونه پهروون ونه وه ره عشریه (حق ایمامت) هادِن و وه آزاد هسته که این پول ره هرجور ونه دل ونه خرج هاکنه. آقاخان پروژهئون مختلفی ره این پولها جه راه دینگوئه و اینتی آفریقایی و آسیایی کشورون دله مردم وسّه اشتغال بساته و گانه سعی کانده اسلام جه اتی ضد-خشونت دیم ره سِراق هاده. ونه شخصی داراییئون هم خله-خله زیاد هستنه و شه وسّه تفریحی کاخون و زمینهای زیادی دارنه؛ چنتا جت، باشگاهون قایقرانی، شخصی جزیره باهاما دله و... واری.[13]
کریم آقاخان هاروارد دانشگاه جه مدرک بَییته. وه ورزشکار هم هسته و زمستونی المپیک دله ایران ِنمایندگی جه اسکی ِرشته دله شرکت هاکرده.[14]