Батуми
From Wikipedia, the free encyclopedia
From Wikipedia, the free encyclopedia
Бату́ми (груз. ბათუმი [батуми], 1936 иенть видс — Бату́м лемало) — Грузиясо ош ды порт, кона ашти Раужо иневеденть чиресэ. Аджария автономной республикань прявтош. Теи Батуми муниципалитет, неень Грузиянь[3]туристической прявт куншкакуро.
Ош | |||||
Батуми | |||||
---|---|---|---|---|---|
груз. ბათუმი руз. Батоми руз. Батум азеринь Batomi азеринь Batum | |||||
|
|||||
41°38′45″ с. ш. 41°38′30″ в. д.HGЯO | |||||
Мастор | Грузия Мастор | ||||
История ды география | |||||
Покшолмазо |
|
||||
Куншкань сэресь | 3 ± 1 метр | ||||
Шкань каркс | UTC+4[d] | ||||
Эрицятне | |||||
Эрицятне | |||||
Цифрань идентификаторт | |||||
Кортавксонь код | 422 | ||||
Почтань индекс | 6000–6099[2] | ||||
batumi.ge(груз.) | |||||
{|align="center" style="background-color:inherit;width:290px"
| | |||||
Аудио, фото и видео |
Течи Батумись - Грузиянь культурань, экономикань ды туристэнь куншкакуро. Содави исторической центрасонзо ды менельс токиця кудо марто туристической районсонзо.
Ошось ашти Раужо иневеденть чиресэ, Кахаберэнь алка таркасонть, иневедтенть 2-3 метрадо седе вере. Алка таркась лангс ваномс прок пельков, кона таргавсь пелевеёндо чивалгома ёнов 7 вайгельпес. Батуминть седе покш пельксэзэ нежеди Батумской бухтантень, Кахаберэнь алка тарканть пелевеёнкс пельксэнтень, Барцхана ды Королисцкали лейтнень кувалт.
Ошонть покшолмазо 64,94 вп² (2012-це иес — 19 вп²).
Батумисэ лов малав а эрси (ловось ашти иезэнзэ 12 чиде а кувать).
Батумисэ важоди аэропорт ды чугункань кинь станция.
1897 иень Раськень Ловнома-сёрмадстоманть коряс, Батумисэ эрицятнеде ульнесть 28 508 ломанть[4], эйстэст:
Батумисэ ламо конфессият. Седе ламо ломантнеправославиясот. Покш конфессиятне: ислам, католицизма, Армянонь апостолонь церькова, езидизма ды иудаизма. Ошсонть ламо храмт.
Тао-Кларджетского царстванть пингстэ ошось, кода весе Аджариясь, ульнесь Тао-Кларджетисэ ды ветясть эйсэнзэ эриставтнэ.
Куншкапингень (средневековьянь) васень шкасто ульнесь Лазикань пельксэкс, мейле - вейкине Грузинэнь государствань, мейле ветясть эйсэнзэ Одиши мегрельской княжествань чирязтнэ. XIII-це ды XIV-це пингетнестэ ошсонть азорольть Гурии чирязтнэ. 1547-це иестэ Батоминть саизь османтнэ, конат кирдсть эйсэнзэ 300 иень перть. 1878-це иестэ ошонть олякстомтызе рузонь-грузинэнь вейсэнь ушмось, Россиянь ды Османонь империятнень ютксо Берлинской мирной договоронть коряс сон совась Россияс ды кармась лемдявомо Батум. 1878—1886-це иетнестэ ульнесь порто-франко, мезесь вельть редявсь ошонть стямосонзо[5]. 1936-це иестэ лемдязель Батумикс.
Лементь юрсо неить сван. бат «кев». Ошонть таркасо поселениясь, неяви, пек умонь: Батумиде (Батусто) васенцеде ледстни Аристотель минек эрадо икеле IV-це пингень грекень философось. Плиний Старший, минек эрань I-це пинге, ледстни грекень лем марто Βαθύς Батус «домка» порт, конатась прок лиякс толкови тосонь лементь. Куншка пингетнестэ ошось лемдявиль Батоми, 1878-це иестэ саезь — Батум, 1936-це иестэ — Батуми.
Археологиянь чувовкстнэ невтизь: Батумисэ ломантне эрясть уш минек эрадо икелень I—II-це тёжа иетнестэ ды шабраст марто кирдсть микшнемань-рамсемань сюлмавкст. Кезэрень Батуминь седеекс ульнесь Тамара ошпандосонть аштиця столпось, кона Королисцкали леенть лаймесэ лововсь культурань ды экономикань центракс.
Минек эрань II-це пингестэ Батумисэ аштесь римень гарнизон, ансяк уш V-це пингестэ Вахтанг I Горгасали святой инязорось велявтызе-саизе ошонть эсензэ кедь алов.
VI-це, VII-це ды VIII-це пингетнестэ Батумись ды маласо аштиця таркатне ульнесть Эгриси кирдицятнень кедьсэ. Феодалонь шкастонть ломанть эрясть Батуминь ошпандонть перькаяк.
Мейле Батуминь модатнень кирдсь Гуриели раськесь (династиясь). XV-це пингестэ, зярдо азороль Кахабера Гуриели, османтнэ саизь Батуминть, ансяк Ростом Гуриели курок панинзе сынст эсензэ моданзо лангсто. 1564-це иестэ Ростома Гуриелинь куломадонзо мейле османонь ушмотне одс совасть Батумис. Курок ошось теевсь Османонь империянь административной единицань - санджаконь - куншкакурокс. Батуминь санджакось сравтовкшнось Королисцкали лейстэнть саезь Чорохи ды Аджарисцкали лейтнень видьс. Те шкастонть Аджариясо чачсь исламось.
1873-це иестэ Батумись ульнесь Лазской губернаторствань резиденциякс, конань ветясь санджаконь азорось — мутесарифесь. Мутесарифесь ульнесь Трабзононь валинть ало.
Ошсонть улить-аштить Шота Руставели лемсэ Батуминь государственной университет, Батуминь государственной морской академия ды лия тонавтнема таркат. Важоди Аджариянь искусствань музей, Илья Чавчавадзе лемсэ театра, цирк ды культурань лия кудот-мезть.
1878-це иень умарьковонь 25-це чистэ Батумис совась Дмитрий Святополк-Мирский генералось, конанень Олячинь площадьсэ девриш-пашась максынзе ошонть эйстэ панжоматнень. Арсезель теемс Батуминь уезд, козонь совасть Батуминь, Артвинэнь ды Аджаронь округтнэ. Батуми ошонть статусонзо аравтызь британтнэ, конатне арсизь максомс Батуминтень порто-франко статусонть.
Порто-франко статусонть вельде Батумись кассь, кармась теевеме неень европань ошокс.
Порто-франкось лоткавтозь 1886-це иестэ. 1883-це иень аштемковонь 12-це чистэ Батуминь уездэсь педявтозель Кутаисинь губерниянтень. 1903-це иестэ Батуминь округось лиссь Кутаисинь губернииясто.
Пек сэредстицякс Батуминть туртов ульнесть тевтеематне, конат сыргасть 1924-це иень кепедевемадонть (восстаниядонть) мейле. Батуминь национал-освободительной движениянь ломантнень пекстнизь ды леднизь. Ютксост ульнесь Георгий Пурцеладзе генерал-майороськак, кона олякстомтсь Батуминть Османонь империядонть. Кода СССР-энь лия оштнэяк, Батумись кирдсь 1937—1938-це иетнень репрессият. Батуминь ламо эрицят саезельть армияв, тюрсть Омбоце мировой войнань фронтнэсэ. 12 258 солдаттсто кудов велявтсть 4 728 ломанть.
1921-це иень эйзюрковсто саезь Батум военной гарнизононть зэмензэ тейсь 9-це стрелковой дивизиясь, кона ёртозель Закавказьяв Кавказсо советской властенть аравтоманзо кисэ. 11-це армиянть марто дивизиясь эйзюрковонь 17-це чистэ совась Батумс.
1989—1991-це иетнестэ Грузиясо талноматнеде (беспорядкатнеде) мейле, Аджариясо аравтовсь Аслан Абашидзень властесь.
Аджарской кризистэнть мейле Аслан Абашидзе Георгий цёранзо марто кадызе Аджариянть (вант Аджарский кризис 2004).
Батумисэ 7 кужот:
Батумисэ 20 школат ды 21 эйдень кужот[6].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.