From Wikipedia, the free encyclopedia
Ляйса́н Альбе́ртовна Утя́шева (баш. Ләйсән Альберт ҡыҙы Үтәшева, печк. Ләйсән Альберт кызы Үтәшева, (чачсь аштемковонь 28 чистэ, 1985) — рузонь телепрограммань ветиця, рекламасо снимиция, седе икеле ульнесь художественной гимнасткакс. Сон ульнесь кавксть Grand Prix Final многоборьень медалистокс. Неень шкане Утяшева важоди бизнесвуменэкс, сонзэ ули он-лайн проектэзэ «Сила Воли», ульнесь вейке зярыянь ютксо Посолокс 2018 FIFA World Cup , улить кавто эйкакшонзо. Содави эсь рунгонь пек менчевемань коряс.
Утяшева, Ляйсан Альбертовна | |
---|---|
баш. Ләйсән Үтәшева | |
![]() | |
чачома чись | аштемковонь 28 чи 1985 (38 иеть) |
Чачома тарка | |
Мастор | |
Важодема ёрокчизе | художественный гимнаст, гимнаст, телевяти, спортивный комментатор, вайгяльналхкись,, радиоведущий |
Полазо | Павел Алексеевич Воля[d] |
вальма | liasanutiasheva.ru(руз.)(англ.) |
![]() |
Самар ошсо томбизе пильгень ловажанзо, зярдо тёкадемстэ чалгась беряньстэ ацазь матт лангс. Ялатеке томбамось эзь редяво доктортнэнень ды Ляйсан поладызе тренировканзо. Кавксо ковонь ютазь пильгезэ кармась седе сэредеме. Инсбруксо пелькстамонь шкане таго марясь пильгень сэредема. Зярыя шкань ютазь Берлинэнь клиникасо муевсь тувталось: ловажась ульнесь синдезь зярыя таркасо. Ютавтсть 5 операцият, ульнесь пелема — а карми якамо. Ялатеке 2004 иестэ Утяшева таго лиссь пелькстамо Россиянь спортонь вейсэндявкссо ды кармась Европань чемпионкакс, истяжо ульнесь изницякс омбомасторонь пелькстамосо: Латвиясо ды Франциясо. Утяшевань васенце тренерэкс ульнесь Алла Янина. Ирина Винер тердинзэ кавонест Московов, Олимпийской центрас. Московов сась эрямо ансяк Утяшева. Утяшевань васенце медалесь изнявсь 2001 иестэ, зярдо сон сайсь колмоце тарка Россиянь Чемпионатсо. 2001 иестэ Берлинсэ сайсь сырнень медальть World Cup;со, многоборьесэ. 2001 иестэ Япониясо, Акитасо, World Games пелькстамосо сайсь ниле сиянь медальть. Утяшева истяжо сайсь сиянь медаль многоборьесэ 2001 Grand Prix Final Денверсэ, истяжо изнясь кавто сырнень медальть. Сон ульнесь рузонь вейсэндявкссо, конась изнизе сырнень медаленть 2001 World Championships , Мадридсэ. Седе мейле медалесь ульнесь саезь, секс мекс вейсэндявкссо улезетнень — Алина Кабаевань ды Ирина Чащинань версэ муезель диуретик. Утяшева спортсто туемадо мейле кармась выступамо гала-невтемасо. Сон ульнесь Алексей Немовонь шоусо 2007 иестэ, косо сондензэ башка ульнесь Юлия Барсукова. Ульнесь жюрисо Мазычинь «Мисс Россия» изнямотнесэ 2012, 2014, 2016, 2017.
Ляйсан Утяшевань авазо — Зульфия Утяшева, башкирава, тетязо — татар, Альберт Утяшев. Истяжо ули рузонь ды поляконь верь эйсэнзэ. Васня ульнесь мусульманонь кемемасо, мейле ютась православияс. Венчась рузонь актернэнь Павел Волянень, сынст улить кавто эйкакшост: цера Роберт ды тейтерь София.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.