From Wikipedia, the free encyclopedia
Амёба (лат. Amoeba, саеви кез.-грек. ἀμοιβή — руз. «изменение», грекекс «лиялгадыця»[1]) — буе микроскопиянь вейкеклеткань касовкстт Amoebidae семиястонть.
Амёба | ||
---|---|---|
Тонань классификациязо | ||
|
||
Латинэнь лем | ||
Amoeba Linnaeus, 1758 |
Амольдиндерятано банкас зёлтонь потмакссто ил марто ды ведень касовкс марто ведь, минь илэв веденть марто амольдятано пек ламо седе простой организмат, конадо пешксе зёлтось. Сайдяно те веденть эйстэ петнявкс предметной суликалангс ды вельтясынек суликань вельтямкскесэ, карматано ваномо микроскопонь пачк. Вансынек парсте неть существатнень, конат састо якить пиже водорослятнень ды илэнть юткова. Васня лангс ванозь буто сон аволь живгак, истямо нокольне, конань пачк неят. Мерят, те студенень пятнявкс, кона пештезь зёрнынеде, конань перька тар- гавсь седе валдо каймине. Ванындерясынек седе парсте, нейсынек, што конат-конат эйстэст састо ютыть таркасто-таркас. Неть — сех простой животнойть амёбат
Амёбанть весе телазо ашти пачк невтиця про- топлазмань покольнестэ. Протоплазмань лангсо слоесь потмонсенть коряс седе валдо,. Потсо слойсэнть неявить вишка зёрнынеть, конат ве таркасо а аштить, сынь яла якить састо таркасто-таркас. Те зёрнав протоплазмасонть ули шарнэнь кондямо телыне — ядра. Аволь васоло ядранть эйстэ неяви валдо пузырне. Сон то ёми, то мекев лиси ды покшол- гады, мейле таго ёми. Те—киртявомань пузырне, эли киртявожань вакуоля. Тестэ чаркодеви, што амёбанть телазо вейке клеткань, сон ашти протоплазмасто, кона потсто зёрнав, ядрасто ды киртявомань вакуолясто. Теде башка амёбанть теласо улить пищань пелькскеть, конат аштить протоплазмасонть.
Седе парсте ваномсто а стака неемс, кода амёбась карми якамо. Протоплазманть ве ёнкс- сонзо тееви выступ, сон а ламонь а ламонь яла касы ды кувалгады. Эйзэнзэ валови яла седе ламо протоплазма. Мейле тей валови ядраськак ды вокуоляськак. Истя валовозь, ва- лови весе амёбась. Истя сон юты таркасто-таркас. Лиясто амёбась нолды аволь вейке, седе ламо выступт, яла теке валови ансяк вейкентень. Не выступтнэде мерить ложноножкат. Эсьтеланзо покшолманзо коряс амёбась яки бойкасто: 5 сантиметратне сонензэ ютавить пель часос.
Зёлтонь ведьсэ пек ламо микроскопической организмат ды ведень растениянь пелькскеть. Те ярсамо пеленть саемстэ эрси истя: амёбась нолдасы ложноножканзо ярсамопеленть пелев, ложноножкань протоплазмась вельтясы ярсамо пеленть, кона мейле понги аволь ламо ведь марто про- топлазмань пузыренть потс.
Шкань ютазь - пель частто эли частто мейле —касовксось, бути те ульнесь микроскопической пиже водоросля, ёмавтсы пиже тюсонзо ды сормави. Сонзэ сех покш пельксэзэ пии-солы амёбанть ярсамо пелень пидема вакуолясонзо. Ярсамо пеленть эйсэ пиди ярсамо пелень пидема сок, конань эйсэ протоплазмась нолды пузырёконтень, косо ярсамо пелесь. Ков эно туи пидевезь ярсамо пелесь? Сон сови протоплазмань составс. Истя протоплазмась касы. Теде башка ярсамо пелесь моли амёбанть роботанзо лангс — якамсто, ярсамо пелень саемстэ, вакуолянть вишкалгадомсто (киремстэ) ды лият.
Ков молить апак пиде ярсамо пелень пелькстнэ? Сынст поколест шкань ютазь понги протоплазмань лангсо валдо слоентень, тосто тулкадеви ушов. Истя ярсамо пелесь, кона эряви амёбантень, телазонзо понги перть пельга ды истя жо эрьва пельга ёртовить ушов апак пиде ярсамо пелень пелькстнэ.
Кода эрьва ракшась ды касовксось, истя жо амёбаськак лекси, саи потмозонзо чапамо чачтый ды нолды углекислой газ. Сонзэ арасть лексемань башка органонзо. Сон саи чапамо чачтыенть эйсэ, кона солазь ведьсэнть, весе теласонзо. Углекислой газонтькак истя жо нолды весе тела лангонзо пачк.
Ков эно молить амёбанть потсто а эрявикс пелькстнэ ды лишной ведесь? Сынст эйсэ амёбась ёрты киртявомань вакуолятнень пачк. А эрявикс ведесь эйзэнзэ солазь а эрявикс пелькстнэнь марто пурнави пузырнес, кона пешкеди валдо петнявкс ладсо. Зярдо пузырнесь пешкеди, лангсо човине келькшентень тееви варине, ведесь карми чудеме. Юты минута эли кавто, таго пурнави петнявкс, кона пештьсы вакуолянть, кона таго чами. Истя апак лотксе амёбась ёрты а эрявикс пелькстнэнь. Мезде тееви амёбанть марто эждемстэнзэ эли салсо токавтомстонзо
Бути петявксонть краезэнзэ, косо ашти амёбась, путомс салонь кристаллнэ, сестэ шкань ютазь, зярдо салось солы каплянтень, весе амёбатне таргасызь мекев ложноножкаст ды теевить шарикень кондямокс . Тейдяно эщо истямо опыт; карматано а ламонь аламонь эждеме амёба марто петнявксонть. Ков седе пек эждтяно, тов амёбатне яла седе бойкасто якить. Истя улеме карми 35 градусос веденть эждемазонзо. Седе пек эждемстэ амёбатне лоткить якамодо, теевить шаронь кондямокс. Температурань алкалгавтомсто сынь эньгамить, 0° пингстэ чувтомить истямо формасо, кодат сынь ульнесть се шкастонть. Тейдяно эщо истямо опыт: микроскопонь зеркалыненть пелевидьс вельтясынек раужо конёвсо. Каплянть вейке пельксэзэ ули валдосо, омбоце пелезэ — чоподасо. Весе амёбатне валдо пельксстэнть кармить ютамо чопода пельксэнтень. Мейле чополгавтсынек валдо пельксэнть ды валдомтсынек чопода пельк- сэнть. Амёбатнеяк кармигь мекев ютамо. Весе неть амёба марто опыттнэ кортыть седе, кода лиялгады амёбась пертпелкстэнть каятоманть эйстэ: сон лиялгады, кода минь карматано сонзэ эйсэ эждеме эли нолдатано валдо, эли нолдасынек салов ведьс.
Карминдерятано седе кувать ваномо микроскопонь пачк, минь нейсынек, кода амёбанть ядразо карми кувалгадомо ды таргавомо куншка видьстэ. Шкань ютазь те таргавксось човиньгады, мейле ядрась сезеви кавтов, амёбантень теевить кавто ядрат. Яла теке тевесь теньсэ а прядови: ней карми таргавомо кавтов протоплазмась. Васня протоплазманть пельксэнзэ ульнесть сюлмавозь чова кельнень кондямосо, мейле те сюлмавксоськак сезеви, теевить кавто од амёбат. Эрьванть ули эсензэ ядразо ды эсензэ протоплазмазо. Икелень амёбась — авась — лоткась эрямодо. Эрьва лисезь од амёбась карми эрямо башка ды шкань ютазь сонгак карми явовомо кавтов. Тестэ чаркодеви: амёбатне раштыть кавтов явовозь.
Амёбатне ванстыть эсь пряст эйсэ берянь условиятнеде. Зярдо зёлтось коськи эли кельми, эли мейскак эйсэнзэ коли ведесь, сестэ эрьва амёбась васня карми теевеме шарикекс, мейле сонзэ протоплазмастонзо карми лисеме навола вещества, кона вельтясы амёбанть перть пельде. Мейле те веществась шкань ютазь калгодкстоми, эйсэнзэ тееви лукшонь кондямо циста, сонзэ потсо амёбась а кулы, истя сон эри мик пек ламо иеть. Вармась канды истят амёбатнень пуль марто перть: пелев. Понгиндеряй истямо циста потсо амёбась ведьс, лейс эли зёлтс, цистась карми соламо, амёбась карми эрямо таго икеле ладсо.
Эрьва кодат амёбатнень ложноножкаст эрсить пек аволь вейкеть. Веенст амёбатне таркасто-таркас валовить келей кельсэ, омбонст перть пельгаст таргить суронь кондят ложноножкат. Улить эщо, конат нолдыть сурень кондят ложноножкат, конат тапарявить вейкест-вейкест эйс, прок кодамояк касовксонь корёнс. Секс весе амёбатненень меритькак корненожкат. Амёбат эрить аволь ансяк зёлтонь, леень ведьсэ.
Амёбат эрить иневедьгаяк. Мик начко модасояк эрить амёбат, улить, конат эрить ракшань ды ломанень сюло потсо. Веенст истят амёбатненень мерить дазентериянь амёбат. Не амёбатне ормалгавтсызь ломаненть тропикень дизентериясо. Те ормасонть ламо ломанть сэредить лембе масторга, косто сон кандовсь миненекак. Дизентериянь амёбась сюло потс понги бутрав ведте симемстэ. Истямо ведьсэнть сеедьстэ эрсить те амёбанть цистанзо. Кода цистась понги сюло потс, потстонзо лиси амёбась. Сон педи сюлотненень, карми тееме язват. Теде ломанесь ормалгады стака верьс пськиземя ормасо. Лиясто неть амёбатне понгить ломаненть верьс, тосто максозонзо, тевилявозонзо ды лия таркас. Тосояк амёбатне теить эрьва кодат язват.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.