Сумгин, Михаил Иванович
содавикс советэнь учёной, геологиянь наукань доктор, васенце кие путызе модань кельмемадо тонавтнеманть. Эрзя. / From Wikipedia, the free encyclopedia
Сумгин Михаил Иванович (1873 иень даволковонь 24 чистэ Ало куро велесэ[3], Лугаян буень, Алоошонь ёнксо — 1942 ие ацамковонь 8 чистэ Ташкент ошсо) — содавикс советэнь учёной, доктор геологиянь наук, васенце кие путызе модань кельмемадо тонавтнеманть. Эрзя[3].
Сумгин, Михаил Иванович | |
---|---|
| |
чачома чись | 12 (24) даволковонь 1873[1] |
Чачома тарка | |
Кулома чись | ацамковонь 8 чи 1942(1942-12-08)[2] (69 иеть) |
Кулома тарка | |
Мастор | |
Важодема ёрокчизе | тонадей, вийкирдий-ветий |
![]() |
Эстедензэ, сонсь Михаил Иванович, сёрмады конёвтнесэ, конат улить Наукань Академиясо[4]:
(эрз. «Чачинь мон даволковонь 12 чистэ (ташто стильсэ) 1873 иестэ. Лисян-улян видинь-сокицясто Алоошонь губерниясто Лугаянонь буестэ Покш-Маресевань ёнксто Ало куро велестэ (Ташто Пиченьгужосто). Раськень коряс мон — эрзяян».Оригинальной текст (руз.)«Родился я 12 февраля (старого стиля) 1873 г. Происхожу из крестьян бывшей Нижегородской губернии Лукояновского уезда Больше-Маресевской волости деревне Крапивки (Старые Пичингуши-тож). По национальности я — мордвин из племени Эрзя».
Вишка шкава Михаил Иванович якась колмо иень церьковань школаст, тонавтнесь Лугоянонь ошонь училищасо, конань вадрясто прядызе 1887 иестэ. Седе тов тонавтнеме кармась ансяк ниле иень ютазь, тетянзо куломадо мельга сон ламо важодсь велень хозяйствасо. Тусь парочинь вешнеме Ине-Петрань ошов, важодсь Демчинскоень Типографиясо. Пек ламо ловнось ды тонавтнесь. 1895 иень тунда кирдсь экзамен ды сёксня сонзэ саизь тонавтнеме Петербургонь Университетэв Физикань-математикань факультетс.
1895—1899 иетнестэ тонавтни Петербургонь университетсэ. Саезь 1911 иестэ ушодсь модань кельмемадо тонавтнеманть. Сумгин — ульнесь Модань кельмемадо тонавтнеманть комиссиянь (комитетэнь) теицятнестэ вейкесь, те комиссиясь мейле теезель СССР-нь Наукань Академиянь модань кельмемань институтокс В.А.Обручевень лемсэ (1930 ие).