Стефан васня венчавтозь
From Wikipedia, the free encyclopedia
Васня Венчазень Стефанонь короназо (серб. Круна Стефана Првовенчаног) — кортамонь коряс, те коронась, конасонть серб мезень инязорост Стефан Васня Венчазесь ульнесь венчавтозь королекс. Кортамонь коряс 1201 иестэ серб мезень инязорост Стефан пшкадсь Римень Папантень Иннокентий III-нень ловомс сонзэ серб мезень королекс ды тувака кучомс тензэ корона. Ансяк 1217 иестэ лия Римень Папась – Гонорий III-це – кучсь тензэ корона. Те коронасонть Стефанонь самай венчавтызь королекс. Кортамонь коряс, те коронасонть венчавсть мельга молиця корольтнесэяк. Кортамось моли янсяк корольтнеде. Сетне, конатнесэ венчавтсь царекс тевс нолдасть лия корона (Стефан Урош IV Душан ды Стефан Урош V). Кезерень артовкстнэнь кувалт Стефанонь коронась ульнесь теезь кода лилиянь венок.
Историянь содыцятне текень марто а муить кодаткак сёрмадовкст коронань кучомань ланга 1217 иестэ Римстэ. Сынст коряс Стефан ульнесь венчавтозь королекс 1222 иестэ Жичасо православиянь коряс. Венчавтыцясь ульнесь Сербонь Савва. Яла теке улить теорият што коронась сась Стефаннэнь Византиясто. Те невти, што Византия мериль Стефанонтень улеме королекс. Ансяк тень коряскак арасть кодаткак сёрмадовкст Сербия масторсо. Сербиянь ды Византиянь сюлмавомаст ульнесть пек кеметь. Паряк секс серб мезть лоткасть невтеме коронасонть артомасост. Мейле коронась появась Котроманич гербсэ. Сон артозель тосо, зярдо Босния масторось кармась лововомо королевствакс ды Твртко I венчазель королекс.