အသက် ၂၂ နှစ်အောက် အာရှဖလား
From Wikipedia, the free encyclopedia
အသက် ၂၃ နှစ်အောက် အာရှဖလားဘောလုံးပြိုင်ပွဲ (၂၀၁၆–၂၀၂၀ : အာရှအသက် ၂၃ နှစ်အောက်ချန်ပီယံရှစ်ဘောလုံးပြိုင်ပွဲ၊ ၂၀၁၃ : အာရှအသက် ၂၂ နှစ်အောက်ချန်ပီယံရှစ်ဘောလုံးပြိုင်ပွဲ) သည် အာရှဘောလုံးအဖွဲ့ချုပ် မှကြီးမှူးကျင်းပသော အာရှအဆင့် သက်တမ်းအလိုက်လူငယ်ဘောလုံးပြိုင်ပွဲဖြစ်သည်။ ပထမဆုံးအကြိမ်ကျင်းပသော ၂၀၁၃ အသက် ၂၂ နှစ်အောက် အာရှဖလား ကို ၂၀၁၁ ခုနှစ် တွင်စတင်ရန်ဆုံးဖြတ်ခဲ့သည်။ သို့သော် ၂၀၁၃ ခုနှစ် မှစ၍သာ ပြိုင်ပွဲများကို ကျင်းပခဲ့သည်။ ၂၀၁၂ ခုနှစ် တွင် ခြေစစ်ပြိုင်ပွဲ(အရည်ချင်းစစ်ပြိုင်ပွဲ) များစွာကို အုပ်စု အလိုက် စတင်၍ ကျင်းပခဲ့သည်။ ထိုပြိုင်ပွဲများကို ၂ နှစ် တစ်ခါကျင်းပ ရန် ဆုံးဖြတ်ထားသည်။ ထူးခြားချက်မှာ ၂၀၁၆ ခုနှစ်မှစ၍ ပြိုင်ပွဲ၏အသက်ကန့်သတ်ချက်အား အသက် ၂၃ နှစ်အောက်အဖြစ် ပြောင်းလဲသတ်မှတ်ကာ နွေရာသီအိုလံပစ်ပြိုင်ပွဲကျင်းပသည့် နှစ်များတွင် ပြုလုပ်သော အသက် ၂၃ နှစ်အောက်အာရှဖလားပြိုင်ပွဲကို ထိုနှစ်၏နွေရာသီအိုလံပစ်အားကစားပွဲ အမျိုးသားဘောလုံးပြိုင်ပွဲအတွက် ခြေစစ်ပွဲ အဖြစ်ကျင်းပရန်ဆုံးဖြတ်ခဲ့သည်။