![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/34/Major_asterisms.png/640px-Major_asterisms.png&w=640&q=50)
အတောက်ပဆုံး ကြယ်များစာရင်း
ဝီကီမီဒီယာ စာရင်း ဆောင်းပါး / From Wikipedia, the free encyclopedia
အတောက်ပဆုံးကြယ်များစာရင်းကို သတ်မှတ်ရာတွင် ကမ္ဘာမြေမှမြင်ရသည့် ကြယ်များ၏ မြင်သာသော တောက်ပမှု (apparent magnitude) ကို တိုင်းတာ၍ သတ်မှတ်ခြင်းဖြစ်သည်။ ဤစာရင်းတွင်ပါဝင်သော ကြယ်အများစုသည် တောက်ပကြသည်ဆိုရာ၌ ယင်းတို့သည် ကမ္ဘာနှင့် အကွာအဝေးအားဖြင့် နီးကပ်သောကြောင့်ဖြစ်သည်။ အချို့ကြယ်များသည် ပကတိတောက်ပမှု ( absolute magnitude) ကောင်းကြသော်လည်း ကမ္ဘာမြေနှင့် အလင်းနှစ်များစွာ ဝေးကွာလွန်းသောကြောင့် မေးမှိန်စွာသာ မြင်ရသည်။ နေသည် ကမ္ဘာမြေမှကြည့်ပါက အတောက်ပဆုံးကြယ်ဖြစ်သည်။ ထို့နောက် ဆိုင်ရပ်စ်က ဒုတိယအတောက်ပဆုံး ကြယ်ဖြစ်သည်။ ကြယ်တစင်း၏ တောက်ပမှုအညွှန်းကိန်းကို ဂဏန်းဖြင့်ဖော်ပြရာတွင် အနုတ်ပါသော ဂဏန်းသည် တောက်ပမှုကိန်းများပြီး ဂဏန်တန်ဖိုးကြီးလေလေ တောက်ပမှုကိန်း လျော့နည်းသွားလေဖြစ်သည်။ ဘီတယ်ဂျူးစ်နှင့် အာကျူးရပ်ကဲ့သို့သော အချို့သောကြယ်များမှာ ပြောင်းလဲတတ်သောကြယ်များ (Variable star) ဖြစ်သည့်အတွက် ယင်းကြယ်တို့၏ တောက်ပမှုသည် အချိန်နှင့်အမျှ ပြောင်းလဲလျက်ရှိသည်။ ယင်းပြောင်းလဲမှုအညွှန်းကိန်းကို အင်္ဂလိပ်အက္ခရာ အတိုကောက် var ဖြင့် ဖော်ပြသည်။
![Thumb image](http://upload.wikimedia.org/wikipedia/commons/thumb/3/34/Major_asterisms.png/640px-Major_asterisms.png)