ခြောက်ထပ်ကြီးဘုရား သည် ရန်ကုန်မြို့၊ ဗဟန်းမြို့နယ် ရွှေဂုံတိုင်လမ်းမပေါ်တွင် တည်ရှိသည်။ ငါးထပ်ကြီးဘုရား၏ မျက်စောင်းထိုးကားလမ်း တစ်ဖက်ခြမ်းတွင် တည်ရှိသည်။ စောင်းတန်းမှ ၅ မိနစ်ခန့် လျှောက်သွားလျှင် မဟာစည် ရွှေမင်းဝံ သာသနာ့ရိပ်သာကို မြင်တွေ့နိုင်သည်။ ခြောက်ထပ်ကြီးဘုရားသည် ရန်ကုန်မြို့တွင် ထင်ရှားသောဘုရားများအနက် တစ်ခုအပါအဝင်ဖြစ်သည်။ ရှေးဟောင်းအမွေအနှစ် စာရင်းဝင်ဖြစ်သည်။ ရုပ်ပွားတော်သည် ဉာဏ်တော် အလျား ၆၆ မီတာ ရှိပြီး မြန်မာနိုင်ငံရှိ အကြီးဆုံးလျောင်းတော်မူဘုရားများတွင် အပါအဝင်ဖြစ်သည်။ ““ မဟာရန်ကုန်တွင် နာမည်ကြီးသည့် ကြီးကိုးကြီးအဓိဋ္ဌာန်၊ ကြီးလေးကြီးအဓိဋ္ဌာန်၊ ဘုရားကိုးဆူအဓိဋ္ဌာန်များ”” တွင်ပါဝင်သည့် ဘုရားကြီးလည်းဖြစ်၏။