မြန်မာ စံတော်ချိန်

မြန်မာစံတော်ချိန် ( အင်္ဂလိပ်: Myanmar Standard Time) သည် ဂရင်းနစ်စံတော်ချိန်ကို ၆ နာရီ ၃၀ မိနစ် ထပ်ပေါင်းထားသည့်အချိန်ဖြစ်ပြီး မြန်မာနိုင်ငံ၏ စံတော်ချိန် ဖြစ်သည်။ တစ်နှစ်ပတ်လုံး မြန်မာတစ်နိုင်ငံလုံးတွင် တစ်သမတ်တည်း အသုံးပြုသည်။ မြန်မာစံတော်ချိန် (MMT) 97°30′E လောင်ဂျီကျူ အခြေခံဖြင့် တွက်ချက်သည်။^[၁] မြန်မာစံတော်ချိန်သည် နေ့အလင်းရောင် ထိန်းသိမ်းသော အချိန်ကို လိုက်နာထားခြင်း မရှိသည့်အတွက် တစ်နှစ်ပတ်လုံး တစ်နိုင်ငံလုံးတွင် တစ်သမတ်တည်း အသုံးပြုသည်။ ^[၂][၃]

မြန်မာစံတော်ချိန်
အချိန်ဇုန်
UTC offset
UTC	UTC+06:30
လက်ရှိအချိန်
16:55, 13 May 2025 UTC+06:30 [refresh]
Central လောင်ဂျီတွဒ်
တမ်းပလိတ်:Infobox time zone/meridian-central
Date-time group
တမ်းပလိတ်:Infobox time zone/utc-dtg

သမိုင်းကြောင်း

ရန်ကုန်မြို့ရှိ အလံပြဘုရား (၁၈၅၅ ခုနှစ်)။ အချိန်ဘောလုံးကို ဘုရားထိပ်တွင် ချိတ်ဆွဲထားသည်ကို တွေ့မြင်ရသည်။^[၄]

ကိုလိုနီခေတ် မတိုင်မီ

မြန်မာနိုင်ငံသည် ဗြိတိသျှကိုလိုနီခေတ်မတိုင်မီက စံအချိန်မရှိပေ။ မြန်မာပြက္ခဒိန် စည်းမျဉ်းအရ ဒေသတစ်ခုစီသည် နေထွက်ချိန်၊ မွန်းတည့်ချိန်၊ နေဝင်ချိန်နှင့် သန်းခေါင်ယံအချိန်တို့ကို ခွဲခြားထားသည်။ ^[၅]. နေ့ကို ဗဟို ဟု ခေါ်သည့် သုံးနာရီကြာ အပိုင်းရှစ်ခု သို့မဟုတ် နာရီ ဟု ခေါ်သည့် ၂၄ မိနစ်ကြာသည့် အပိုင်း ခြောက်ဆယ် ဖြင့် ပိုင်းခြားထားသည်။ ပြက္ခဒိန်တွင် မီလီစက္ကန့်အဆင့်အထိ အချိန်ယူနစ်များ ပါဝင်သော်လည်း ဗဟို နှင့် နာရီ ကို ပိုမိုလူကြိုက်များသည်။ နာရီ တစ်ခုစီတိုင်း မောင်း တစ်ချက်တီးကာ ဗဟို တစ်ခုစီတိုင်းတွင် စည် နှင့် ခေါင်းလောင်းတို့ကို တီးခတ်သည်။ ^[၆]

အမျိုးအစား	အချိန်	မြန်မာအမည်	ဖော်ပြချက်
နေ့	၁ နာရီထိုး	နံနက် တစ်ချက်တီး	နေထွက်ချိန်နှင့် နေ့လယ် အကြား
	၂ နာရီထိုး	နေ့ နှစ်ချက်တီး	မွန်းတည့်
	၃ နာရီထိုး	နေ့ သုံးချက်တီး	မွန်းတည့်နှင့် နေဝင်ချိန် အကြား
	၄ နာရီထိုး	နေ့ လေးချက်တီး	နေဝင်ချိန်
ည	၁ နာရီထိုး	ည တစ်ချက်တီး	နေဝင်ချိန်နှင့် ညလည် အကြား
	၂ နာရီထိုး	ည နှစ်ချက်တီး	ညလည်
	၃ နာရီထိုး	ည သုံးချက်တီး	ညလည်နှင့် နေထွက်ချိန် အကြား
	၄ နာရီထိုး	နံနက် လေးချက်တီး	နေထွက်ချိန်

အချိန်မှတ်တမ်း

အမည်	ကာလ	UTC Offset	မှတ်ချက်
Rangoon Mean Time	၂ မေ ၁၈၇၇? – ၃၀ ဇွန် ၁၉၀၅	UTC+6:24:40	၁၈၉၂ ခုနှစ်မှ ၁၉၀၅ ခုနှစ် ဇွန်လ ၃၀ ရက်နေ့အထိ ဗြိတိသျှဘားမား အတွက် စံတော်ချိန် ဖြစ်သည်။ ၁၉၂၉ ခုနှစ်အထိ ရန်ကုန်မြို့တွင် ဆက်လက်သုံးစွဲခဲ့သည်။[၇][၈]
ဗမာစံတော်ချိန်	၁ ဇူလိုင် ၁၉၀၅ – ၃၀ ဧပြီ ၁၉၄၂	UTC+6:30:00	မီးရထားနှင့် ကြေးနန်းရုံးများက ၁၉၀၅ ခုနှစ်တွင် စတင် သုံးစွဲခဲ့သည်။[၉][၁၀] Internet Assigned Numbers Authority (IANA) ၏ ၂၀၂၁ ခုနှစ် အောက်တိုဘာ ဒေတာဘေ့စ်အဆိုအရ ၁၉၂၀ ခုနှစ်တွင် စတင်မိတ်ဆက်ခဲ့သည်ဟု ဆိုသော်လည်း[၁၁] ရင်းမြစ်အား ဖော်ပြထားခြင်း မရှိပေ။
ဂျပန် စံတော်ချိန်	၁ မေ ၁၉၄၂ – ၂ မေ ၁၉၄၅	UTC+09:00:00	ဂျပန်ကိုလိုနီခေတ်အတွင်း သုံးစွဲသော စံတော်ချိန်
မြန်မာစံတော်ချိန်	၃ မေ ၁၉၄၅ – လက်ရှိ	UTC+06:30:00