ဆိပ်ဖြူမြို့နယ်

ဆိပ်ဖြူမြို့နယ် သည် မြန်မာနိုင်ငံ၊ မကွေးတိုင်းဒေသကြီး၊ ပခုက္ကူခရိုင်တွင် ပါဝင်သည့် မြို့နယ်တစ်ခုဖြစ်သည်။ မြို့နယ်ရုံးစိုက်ရာမြို့မှာ ဆိပ်ဖြူမြို့ဖြစ်သည်။ မြို့နယ်၏ အရှေ့တောင်ဘက်နယ်နမိတ်သည် ဧရာဝတီမြစ်နှင့် ထိစပ်လျက်ရှိပြီး ဆိပ်ဖြူမြို့တွင် သင်္ဘောဆိပ် တည်ရှိသည်။

ဆိပ်ဖြူမြို့နယ်
မြို့နယ်
ပခုက္ကူခရိုင်အတွင်းတည်​နေရာ
ဆိပ်ဖြူမြို့နယ် ပခုက္ကူခရိုင်အတွင်းတည်​နေရာ
ကိုဩဒိနိတ်: 21°4′N 94°31′E
နိုင်ငံ	မြန်မာ
တိုင်းဒေသကြီး	မကွေးတိုင်းဒေသကြီး
ခရိုင်	ပခုက္ကူခရိုင်
မြို့နယ်ရုံးစိုက်ရာမြို့	ဆိပ်ဖြူမြို့
ပင်လယ်ရေ မျက်နှာပြင်အမြင့်	၉၀ မီတာ (၃၀၀ ပေ)
လူဦးရေ (၂၀၁၄)	၁၀၂,၇၆၉[၁]
အချိန်ဇုန်	မြန်မာစံတော်ချိန် (UTC+6:30)

ဆိပ်ဖြူမြို့နယ်သည် မြောက်လတ္တီကျူ့ ၂၀° ၅၁' နှင့် ၂၁° ၁၅' အကြား၊ အရှေ့လောင်ဂျီကျူ့ ၉၄° ၀၉' နှင့် ၉၄° ၄၈' အကြားတွင် တည်ရှိသည်။ ယောချောင်းသည် မြို့နယ်၏ အရှေ့ဘက်တွင် တည်ရှိသည်။^[၂] ၂၀၁၀ ခုနှစ် အောက်တိုဘာလ ၂၃ ရက်နေ့တွင် တိုက်ခတ်ခဲ့သော ဂီရိ ဆိုင်ကလုန်း မုန်တိုင်းကြောင့် ပျက်စီးမှုများဖြစ်ခဲ့ရာ ဒေသလည်း ဖြစ်သည်။^{[၃][၄][၅]}

ထိစပ်လျက်ရှိသော နယ်နမိတ်များ

ဆိပ်ဖြူမြို့နယ်သည် အောက်ပါမြို့နယ်များနှင့် နယ်နမိတ်ချင်း ထိစပ်လျက်ရှိသည်။^[၆]

• မြောက်ဘက်တွင် ပေါက်မြို့နယ်၊
• အရှေ့ဘက်နှင့် အရှေ့မြောက်ဘက်တွင် ပခုက္ကူမြို့နယ်၊
• အရှေ့တောင်ဘက်တွင် ချောက်မြို့နယ်
• တောင်ဘက်တွင် စလင်းမြို့နယ်၊
• အနောက်ဘက်တွင် ဆောမြို့နယ်။