သမ္မာကျမ်းစာ၏ ကျမ်း (စာစောင်) From Wikipedia, the free encyclopedia
၁။ စံတော်မီ ဝိသေသလက္ခဏာ
ဤဆောင်းပါးသည် သဒ္ဒါ၊ သတ်ပုံ၊ ရေးဟန် စသည်တို့အတွက် ဝီကီစံညွှန်းနှင့်အညီ အရေးအသား တည်းဖြတ်ပေးရန် လိုအပ်နေသည်။ |
ကောရိန္တုဩဝါဒပထမစာစောင်သည် ပြဿနာထုပ်ဖြစ်သည်။ ကောရိန္သုအသင်းတော်မှ အမေဘုတ်၏ ချည်ခင်ရှုပ် အမှုထုပ်ဖြစ်သည်။ ယနေ့အသင်းတော် ပြဿနာများ၏ နမူနာယူစရာ ဖြစ်သည်။ အဆင့်အတန်းကွဲပြားခြားနားမှု၊ သူရဲကောင်းကိုးကွယ်မှုဝါဒ၊ အကျင့်စာရိတ္တဖောက်ပြား မှု၊ မူဝါဒတိုက်ပွဲ၊ ဝိဝါဟ သံဝါသပြဿနာ၊ သံသယအသက်တာ၊ ဝိညာဉ်ဆုကျေးဇူးဝါကြွားမှု အစရှိ သည့် ပြဿနာအိုးကြီးဖြစ်သည်။
ထိုအမှားအယွင်းများသည် အားလုံးပြဿနာချည်း ဖြစ်သည်။ အခန်းကြီး(၁၃)သည် အကောင်းဆုံး ကျမ်းချက် ဖြစ်သည်။ သမ္မာကျမ်းစကား မပီပြင်သော်လည်း၊ စာပေအဌကထာ အဖြာဖြာတွင် လင်္ကာ အမြောက်ဆုံးသော စာစကား၊ ပေစကားဖြစ်သည်။ အခန်း(၁၅)မှ ရှင်ပြန်ထ မြောက်ခြင်း၊ အခန်း(၁၁)မှ သခင်ဘုရား၏ ညစာပွဲတော် (ပွဲတော်မင်္ဂလာ)နှင့် အခန်း(၁၆)တွင် ပါရှိသော စေတနာသဒ္ဒါ အလှူငွေကောက်ခံခြင်းများသည် မှတ်သားနာယူဖွယ်ဖြစ်သည်။
ယနေ့ခေတ်ကာလနှင့်လည်း ဤစာစောင်ပါရှင်းပြချက်များနှင့် မကင်းလွတ်နိုင်ပါ။ လက်တွေ့ကျသော သင်ခန်းစာရတနာဖြစ်သည်။
၂။ ကျမ်းရေးသူ
ကျမ်းစာပညာရှင်အားလုံးက ပေါလု၏ လက်ရာဖြစ်ကြောင်း၊ တညီတညွှတ်တည်း လက်ခံကြသည်။ အချို့ကျမ်းစာသုတေသီများက ကျမ်းစာနှင့်မထိုက်တန်အောင် ကြမ်းတမ်း ညစ်နွမ်းသည်ဟု ရှုတ်ချကြသော်လည်း ကျမ်းစာရေးသားသူ ကလောင်ရှင်အား အငြင်းမပွားကြပါ။ (၁ကော၅:၉) သည် ပေါလုအားနားလည်မှုလွဲမှားစေနိုင်သည်ဟုယူဆကြသည်။
ပြင်ပလက္ခဏာဖြင့် ဤစာစောင်သည် ရှေးမဆွကပင် Clement of Rome (c.A.D. 95ခန့်) က အသိအမှတ်ပြုသည်။ “တမန်တော် ပေါလု ကောင်းကြီးပေးထားသောစာစောင်”ဟု သုံးနှုန်ထား သည်။ အခြားကနဦး ကျမ်းစာဆရာကြီးများဖြစ်သော Polycarp, Justin Martyr, Athenagoras, Irenaeus, Clement of Alexandria နှင့်Tertullian တို့ကလည်းအသိအမှတ်ပြုထားသည်။ Muratorian Canon နှင့် နောင်တွင် ဂလာတိတို့၏ Marcion’s Canon ဖြစ်လာသော Apostolicon ကလည်း စံတော်မီစာရင်းတွင် ရေးသွင်းထားသည်။
အတွင်းသရုပ်ကြည့်လျှင်လည်း ပိုမိုခိုင်လုံသည်။ ကျမ်းစာရေးသားသူကိုယ်တိုင်က (၁:၁:၊၁၆:၂၁) တွင် ပေါလုကိုယ်တိုင်ဖြစ်ကြောင်း၊ ဖော်ပြထားသည်။ (၁:၁၂-၁၇၊ ၃:၄၊၆၊၂၂)တို့က ပေါလု၏လက်ရာ ဖြစ်ကြောင်း၊ ဝန်ခံထားသည်။ တမန်တော်ဝတ္ထုတွင် ပေါလု၏အခန်းဘဏ္ဍာနှင့် လည်း ပတ်သက်တိုက်ဆိုင်သဖြင့် ပေါလု၏လက်ရာဖြစ်ကြောင်း၊ ပိုမိုခိုင်လုံစေသည်။
၃။ အချိန်ကာလ
ဧဖက်မှ ရေးသားခြင်းဖြစ်ကြောင်း (၁၆:၈၊၉၊၁၉)တို့တွင် တွေ့ရသည်။ ထိုနေရာတွင် (၃)နှစ်တာမျှသာသနာပြုပြီးနောက်ပိုင်း နှစ်ဝက်ကျော် အေဒီ ၅၅ သို့မဟုတ် ၅၆ တွင် ရေးသားခြင်း ဖြစ်သည်။ အချို့ကျမ်းစာသုတေသီများက ထို့ထက်စောဖွယ်ရာရှိသည်ဟု ခန့်မှန်းကြသည်။
၄။ နောက်ခံသိုင်းနှင့်ရည်ရွယ်ချက်
ရှေးကောရိန္တုမြို့သည် ဂရိပြည်တောင်ပိုင်း၊ အေသင်မြို့အနောက်ဘက်တွင် စီးပွားရေးအချက်အချာ ကျသေနေရာဖြစ်သည်။ အပြည်ပြည်ဆိုင်ရာ ကူးသန်းရောင်းဝယ်ရေး လမ်းဆုံဖြစ်သောကြောင့် လမ်းသွားလမ်းလားများ ပျားပန်းခတ်သော နေရာ ဖြစ်သည်။ လူစုံပန်းစုံ အကျင့်စုံ ဖြစ်သောကြောင့် အကျင့်စာရိတ္တ ပျက်ပြားသောပွဲရုံ ဖြစ်သည်။ ထို့ကြောင့် ကောရိန္သုအရပ်သားများ၏ အဓိကအကျင့် စာရိတ္တသည် ကာမဂုဏ်လိုက်စားခြင်း ဖြစ်သည်။ အချို့က Corinthiazomai ဟု နောက်ပြောင် ခေါ်သည်။ အဓိပ္ပာယ်မှာ အကျင့်စာရိတ္တကျဆင်း ညံ့ဖျင်းခြင်းဟု အနက်ရသည်။
ပေါလုသည် ဒုတိယ သာသနာ့ ခရီးစဉ်တွင် ကောရိန္သုသို့ ရောက်ခဲ့သည်(တ ၁၈)။ ရောက်ရောက်ခြင်း ပေါလု၏တဲချုပ် လုပ်ဖော်ကိုင်ဖက်ဖြစ်သူ ပြစ်ကိလနှင့် အာကုလတို့ထံတွင် တည်းခိုသည်။ ယုဒများက သူ့တရားအား လက်ခံကြသောအခါ တစ်ပါးအမျိုးသားနေအိမ်သို့ ပြောင်းနေသည်။ ထိုအကြားမှပင် ဝိညာဉ်များ ကယ်တင်ခွင့်ရသည်။ အသင်းတော် တည်ဆောက် နိုင်သည်။
ဧဖက်တွင် သုံးနှစ်မျှ အမှုတော်ထမ်းဆောင်ပြီး နောက်ပိုင်းတွင် ကောရိန္သုမှ စာတစောင် ရရှိသည်။ အသင်းတော်တွင် တကယ်အထိမခံ ရွှေပန်းကန်ပြဿနာ အခက်အခဲနှင့်ကြုံတွေ့ နေကြောင်း၊ ဖြေ၍ မဆုံးနိုင်သောမေးခွန်းများစွာ ဆင့်ကာဆင့်ကာ ပေါ်ထွန်းလာကြောင်း ရေးသားသည့်စာဖြစ်သည်။ ထိုစာကို ပြန်လည်ဖြေကြားသည့်စာသည် ကောရိန္သု ပထမဩဝါဒစာစောင် ဖြစ်လာသည်။
ဤကျမ်းစာစောင်၏ အဓိကရည်ရွယ်ချက်မှာ လူ့ဇာတိအသွေးအသား၊ လူ့အမြင်၊ လူ့အတွေး၊ လူ့စရိုက်နှင့် ရောစပ်စွပ်ဖက်နေသော အသင်းတော်ကို သုံးသပ်မီးမောင်းထိုးပြခြင်းဖြစ်သည်။
ထိုအကြောင်းကို Moffatt ကအသင်းတော်သည် လောကမှာရှိသော်လည်း လောကကြီးက ပိုင်ဆိုင်သည်မဟုတ်။ ယခုမှာ အသင်းတော်ထဲတွင် လောကီရောက်နေသည်။ ထိုသို့မဖြစ်သင့်ပါ” ဟုရေးထားသည်။
ပုံစံအမျိုးမျိုး၊ အသွင်အဖုံဖုံရှိသော ဤကျမ်းစာတွင် အသင်းတော်အကြောင်းကိုလေ့လာ ကြည့်ကြပါစို့။
ပါဝင်သည့်အချက်များ
၁။ နိဒါန်း
(က) နှုတ်ခွန်းဆက်ခြင်း (၁:၁-၃)
(ခ) ကျေးဇူးတော်ချီးမွမ်းြခင်း (၁:၄−၉)
၂။ အသင်းတော်တွင် ပစ်စလက်ခတ် ဖြစ်နေမှု (၁:၁၀–၆:၂၀)
(က) ယုံကြည်သူများ စိတ်ဝမ်းကွဲပြားမှု (၁:၁၀-၄:၂၁)
(ခ) ယုံကြည်သူများ အကျင့်စာရိတ္တပျက်ပြားမှု (အခန်း(၅)
(ဂ) ယုံကြည်သူများအချင်းချင်းတရားစွဲဆိုကြခြင်း (၆:၁-၁၁)
(ဃ) ယုံကြည်သူများအကျင့်စာရိတ္တလျှော့ရဲခြင်း (၆:၁၂-၂၀)
၃။ အသင်းတော် မေးခွန်းများအဖြေကားချက် (အခန်း ၇–၁၄)
(က) အိမ်ထောင်ပြုခြင်းနှင့် တကိုယ်ရည်တကာယနေခြင်း (အခန်း ၇)
(ခ) ရုပ်တုဆင်းတုပူဇော်သက္ကာများကို စားသုံးခြင်း (၈:၁-၁၁:၁)
(ဂ) အမျိုးသမီးများဦးခေါင်းဖုံးခြင်း (၁၁:၂-၁၆)
(ဃ) ပွဲတော်မင်္ဂလာ (၁၁:၁၇-၃၄)
(င) ဝိညာဉ်ဆုကျေးဇူးအား အသင်းတော်တွင် အသုံးချရေး (အခန်း ၁၂-၁၄)
၄။ ရှင်ပြန်ထမြောက်ခြင်းကို လက်မခံသူများသို့ ဖြေကြားချက် (အခန်း ၁၅)
(က) ရှင်ပြန်ထမြောက်ကြောင်းသေချာခြင်း
(ခ) ရှင်ပြန်ထမြောက်ခြင်းကို ငြင်းပယ်သူများအား ချေပခြင်း(၁၅:၃၅-၅၇)
(ဂ) ရှင်ပြန်ထမြောက်ြခင်းအကြောင်း နိဂုံးချုပ်ရှင်းလင်းချက် (၁၅:၅၈)
၅။ နောက်ဆုံးအကြုံပြုချက် (အခန်း၁၆)
(က) အလှူငွေ (၁၆:၁-၄)
(ခ) ပေါလု၏စီမံကိန်း (၁၆:၅-၉)
(ဂ) နောက်ဆုံးတိုက်တွန်းချက်နှင့်နိဂုံးစကား (၁၆:၁၀-၂၄)
TAGS: ကောရိ န္တု ဩဝါဒစာပဌမစောင်
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.