အလှဆင်ခြင်း အနုပညာ
From Wikipedia, the free encyclopedia
သုခုမအနုပညာ၊ အသုံးချ အနုပညာ တို့နှင့် ကွဲပြားလျက်သော အလှဆင်ခြင်း အနုပညာ (အင်္ဂလိပ်: Decorative arts) ဆိုသည်မှာ အသုံးအဆောင် ပစ္စည်း၊ ကိရိယာတို့၌ အဆင်တန်ဆာ တပ်ဆင်မွမ်းမံသည့် အတတ် ဖြစ်သည်။ အသုံးလည်းဝင်၍ အမြင်လည်းလှသော အသုံးအဆောင်များကို ပြုလုပ်ခြင်း ဖြစ်သည်။ အဆောင်အဦးများ၏ အတွင်းပိုင်း ပစ္စည်းများ၊ အိမ်တွင်းအလှဆင်ဒီဇိုင်းများ စသည်တို့ ပါဝင်သည်။ ကြွေထည်၊ သတ္တုထည်၊ ပရိဘောဂ၊ ကျောက်မျက်ရတနာ၊ ဖက်ရှင်နှင့် အထည်အလိပ်အနုပညာ၊ ဖန်ထည်စသည်တို့သည် အလှဆင်အနုပညာ၏ အဓိကအုပ်စုများ ဖြစ်သည်။