မြန်မာရုပ်ရှင်သရုပ်ဆောင် From Wikipedia, the free encyclopedia
နေတိုး ခေါ် နေလင်းအောင် (၉ စက်တင်ဘာ ၁၉၈၁) သည် မြန်မာ့ ရုပ်ရှင် ထူးချွန်ဆုရ ရုပ်ရှင်သရုပ်ဆောင် တစ်ဦး ဖြစ်သည်။ နေတိုးကို ၉ ရက်နေ့ စက်တင်ဘာ ၁၉၈၁ ခုနှစ် တွင် ဦးအောင်သန်း နှင့် ဒေါ်သန်းမြိုင်တို့မှ ရခိုင်ပြည်နယ် မာန်အောင်မြို့တွင် မွေးဖွားခဲ့သည်။ နာမည်ရင်းမှာ နေလင်းအောင် ဖြစ်သည်။ မွေးချင်းသုံးယောက်ရှိသည်။ ၎င်းတို့မှာ အစ်ကို ဇော်လင်းအောင်၊ ညီ သရုပ်ဆောင် မင်းသွေး (နေမင်းအောင်)၊ ညီမ စုမွန်အောင် တို့ဖြစ်သည်။ ရခိုင်လူမျိုး ဖြစ်သည်။
နေတိုး | |
---|---|
![]() နေတိုး ၂၀၁၁ | |
မွေးဖွား | နေလင်းအောင် စက်တင်ဘာ ၉၊ ၁၉၈၁ တောထူရွာ မာန်အောင်မြို့၊ ရခိုင်ပြည်နယ်၊ မြန်မာနိုင်ငံ |
အခြား အမည်များ | ဇင်မင်း၊ ညီတိုး၊ ကိုလတ် |
အလုပ်အကိုင် | သရုပ်ဆောင်၊ မော်ဒယ်၊ ဟာသပညာရှင်၊ အဆိုတော် |
အိမ်ထောင်ဖက်(များ) | သဲစုမြတ်ရွှေ (လက်ထပ် 2022) |
သားသမီး | သား ဂုဏ်ရှိန်တိုး |
မိဘ(များ) | ဦးအောင်သန်း + ဒေါ်သန်းမြိုင် |
ဆွေမျိုးသားချင်း | အစ်ကို ဇော်လင်းအောင်၊ ညီ မင်းသွေး (နေမင်းအောင်)၊ ညီမ စုမွန်အောင် |
ရရှိသည့်ဆုများ | ![]() |
နေတိုးကို ၁၉၈၁ ခုနှစ် စက်တင်ဘာလ ၉ ရက်နေ့တွင် အဖ ဦးအောင်သန်း အမိ ဒေါ်သန်းမြိုင်တို့က ရခိုင်ပြည်နယ် မာန်အောင်မြို့နယ် တောထူရွာ တွင် မွေးဖွားခဲ့သည်။ နာမည်ရင်းမှာ နေလင်းအောင်ဖြစ်သည်။ မွေးချင်းသုံးယောက်အနက် အလတ်ဖြစ်သည်။ ရခိုင်လူမျိုး ဖြစ်သည်။
၁၉၉၉ ခုနှစ်တွင် ရန်ကုန်သို့ရောက်ရှိခဲ့ပြီး YIIK မော်ဒယ်အေဂျင်စီ ကိုတက်ရောက်ခဲ့သည်။ မော်ဒယ်ပြိုင်ပွဲအချို့တွင် ဆုအချို့ ရရှိခဲ့သည်။ မော်ဒယ်အဖြစ် အလုပ်လုပ်စဉ် သူ၏ အနုပညာနာမည်မှာ ဇင်မင်း ဖြစ်သည်။ ငယ်စဉ်ဘဝက သူ၏ ရည်မှန်းချက်မှာ အဆိုတော်နှင့် တေးရေးဖြစ်ရန် ဖြစ်သည်။ ၂၀၀၀ ခုနှစ်က သူ၏ သီချင်းခွေတစ်ခုကို ထုတ်လုပ်ဖြန့်ချိခဲ့သော်လည်း လူသိမများခဲ့ပေ။ ထိုကာလတွင် ပထမဆုံးရုပ်ရှင် ရိုက်ကူးခဲသည်။ ထိုအချိန်မှစ၍ ရုပ်ရှင်လောကသို့ ဝင်ရောက်လာခဲ့သည်။
နေတိုးသည် ဒါရိုက်တာ မောင်မျိုးမင်း(ရင်တွင်းဖြစ်)၏ နှင်းဆီအငြိမ့်အဖွဲ့ဝင် လူရွှင်တော် တစ်ဦးလည်း ဖြစ်သည်။ နှင်းဆီသခင်၊ နှင်းဆီရင်ခွင်၊ နှစ်သစ်နှင်းဆီ၊ ထာဝရနှင်းဆီ၊ ညီညွတ်ခြင်းနှင်းဆီ၊ ရတနာပုံနှင်းဆီ၊ နှင်းဆီပဝါခြုံတဲ့လက်၊ နှင်းဆီလှေ အစရှိသဖြင့် ဖျော်ဖြေခဲ့သူလည်း ဖြစ်သည်။
နေတိုးသည် ၂၀၀၉၊ ၂၀၁၅၊ ၂၀၁၇ ခုနှစ်များတွင် အကောင်းဆုံးအမျိုးသားဇာတ်ဆောင်ဆု ရရှိခဲ့သည်။ ၂၀၁၈ ခုနှစ် တွင် Star Awards (ရုပ်ရှင်နှင့် ရုပ်သံထူးချွန်ဆု) ရရှိခဲသည်။ Myanmar Pride Award 2019 Best In Film ရရှိခဲသည်။
နေတိုးသည် ၂၀၁၀ ခုနှစ်၊ ဒီဇင်ဘာလတွင် စေ့ထားသော တံခါးများ အမည်ရှိ စာအုပ်တစ်အုပ်ကို ရေးသားထုတ်ဝေခဲ့သည်။ ထိုစာအုပ်သည် နေတိုး၏ ဓာတ်ပုံအသားပေး အတ္ထုပ္ပတ္တိစာအုပ်ဖြစ်သည်။ နေတိုး၏ ဘဝဖြစ်စဉ်၊ အနုပညာနယ်သို့ ဝင်ရောက်လာမှု၊ အမှတ်တရ အဖြစ်အပျက်၊ မှတ်စုတိုများ၊ ကဗျာများကို သူ၏ ငယ်ဘဝက ရိုက်ကူးခဲ့သည့် ဓာတ်ပုံများ၊ မိသားစု ဓာတ်ပုံများ၊ အလှဓာတ်ပုံများ၊ ရိုက်ကွင်းမှ ဓာတ်ပုံများ၊ နိုင်ငံရပ်ခြားခရီးထွက်ခဲ့စဉ်က ရိုက်ကူးခဲ့သည့် ဓာတ်ပုံများနှင့်အတူတူ ဝေဝေဆာဆာ ထည့်သွင်းဖော်ပြပေးထားသည်။
တစ်ခြောက်လုံးဆုံသည့်နေ့ဖြစ်သော နိုဝင်ဘာလ ၁၁ရက်နေ့၊ ၂၀၁၁ခုနှစ်တွင် အကယ်ဒမီနေတိုး အပါအဝင် မြန်မာ့ရုပ်ရှင်လောက၏ ထိပ်တန်း ခြောက်ယောက်( အကယ်ဒမီ လူမင်း၊ အကယ်ဒမီပြေတီဦး၊ နေတိုး၊ အကယ်ဒမီ ခန့်စည်သူ၊ မြင့်မြတ်၊ ဒါရိုက်တာ ဝိုင်း) သည် မြန်မာ့ အနုပညာ အကျိုးကို မျှော်မှန်း၍ အနုပညာပျိုးခင်း ကို စတင်တည်ထောင်ခဲ့ပြီး မင်းသမီး အသစ် ၃ဦးကို ပရိသတ်နှင့် မိတ်ဆက်ခဲ့သည်။
(ကား ၄၀၀ ကျော်)
(၂၀၁၄)
(၂၀၁၅)
(၂၀၁၆)
(၂၀၁၇)
(၂၀၁၈)
(၂၀၁၉)
(၂၀၂၀)
(၂၀၂၃)
(၂၀၂၄)
စဉ် | ဆုအမည် | ရရှိသောနှစ် | ဆုအမျိုးအစား | ရရှိသောဇာတ်ကား | မှတ်ချက် |
---|---|---|---|---|---|
၁။ | မြန်မာ့ရုပ်ရှင်ထူးချွန်ဆု | ၂၀၀၉ | အကောင်းဆုံးအမျိုးသားဇာတ်ဆောင်ဆု | မိုးညအိပ်မက်မြူ | ဆုရရှိ |
၂။ | ၂၀၁၃ | အကောင်းဆုံးအမျိုးသားဇာတ်ဆောင်ဆု | စေတန်ရဲ့ကချေသည် | ဆန်ကာတင် | |
၃။ | ၂၀၁၄ | အကောင်းဆုံးအမျိုးသားဇာတ်ဆောင်ဆု | မာယာပရောဂျက် | ဆန်ကာတင် | |
၄။ | ၂၀၁၅ | အကောင်းဆုံးအမျိုးသားဇာတ်ဆောင်ဆု [1] | နက္ခတ်မှားတဲ့တိုက်ပွဲ | ဆုရရှိ | |
၅။ | ၂၀၁၇ | အကောင်းဆုံးအမျိုးသားဇာတ်ဆောင်ဆု [2] | တာတေကြီး | ဆုရရှိ | |
၆။ | ၂၀၁၈ | အကောင်းဆုံးအမျိုးသားဇာတ်ဆောင်ဆု | မုန်းစွဲ | ဆန်ကာတင် | |
၇။ | Star Awards ရုပ်ရှင်ထူးချွန်ဆု | ၂၀၁၈ | အကောင်းဆုံးအမျိုးသားဇာတ်ဆောင်ဆု | တိမ်တိုက်တံတား | ဆုရရှိ |
၈။ | မြန်မာ့ရုပ်ရှင်ထူးချွန်ဆု | ၂၀၁၉ | အကောင်းဆုံးအမျိုးသားဇာတ်ဆောင်ဆု | ချည် | ဆန်ကာတင် |
၉။ | ၂၀၂၀ | အကောင်းဆုံးအမျိုးသားဇာတ်ဆောင်ဆု | မြက်နု | ဆန်ကာတင် |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.