စိုက်ဆင်းလေပြင်း
ဖျက်အားကောင်းသော မိုးလေဝသ ဖြစ်စဉ် တမျိုး / From Wikipedia, the free encyclopedia
စိုက်ဆင်းလေပြင်း တခု ဆိုသည်မှာ ပြင်းထန်သော မြေပြင်အဆင့် လေတိုက်ခတ်ပုံ ဖြစ်ပြီး အပေါ်ရှိ အမှတ်ရင်းမြစ် တနေရာမှ စတင်ဖြစ်ပေါ်လာကာ ရာဒီယယ်အတိုင်း တိုက်ခတ်ခြင်း၊ တနည်းအားဖြင့် မြေပြင်အဆင့်တွင် ထိတွေ့မိသော အမှတ်မှနေ၍ လားရာ အဘက်ဘက်သို့ မျဉ်းဖြောင့်အတိုင်း ဖြာထွက်ခြင်းကို ဆိုလိုသည်။ မကြာခဏပင် ထိခိုက်စေသော လေကို ဖြစ်စေသည့်အခါ၊ လေဆင်နှာမောင်းနှင့် ရောထွေးလေ့ ရှိပြီး၊ ယင်းမှာ အရှိန်မြင့် တိုက်လေသည် အလယ်ဗဟို ပြု၍ လေသည် အတွင်းဘက်နှင့် အပေါ်ဘက်သို့ ရွေ့လျားသည်နှင့် မဆိုင်လှစွာ စိုက်ဆင်းလေပြင်းသည် ထိုနှင့် ဆန့်ကျင်ဘက် အောက်သို့၊ တဖန် မျက်နှာပြင် ဆင်းသက်သော အမှတ်မှ အပြင်ဘက်သို့ ဖြာထွက်သည်။
သဘာဝပတ်ဝန်းကျင်ကဏ္ဍမှ အပိုင်းတစ်ခုဖြစ်သည့် ရာသီ | |
ဥတုလေးပါး ပြက္ခဒိန် | |
---|---|
နွေဦး ၊ နွေဥတု | |
ခြောက်သွေ့ ရာသီ ၊ စိုစွတ် ရာသီ | |
မုန်တိုင်းများ | |
ထစ်ချုန်း လေနီကြမ်း ၊ Supercell | |
မိုးဖွဲရွာခြင်း ၊ မိုးရွာခြင်း ၊ နှင်းကျခြင်း ၊ နှင်းသီးကြွေခြင်း | |
ခေါင်းစဉ်များ | |
မိုးလေဝသ၊ ရာသီဥတုလေ့လာခြင်းအတတ် ၊ ရာသီဥတု | |
ရာသီ ပေါ်တယ်လ် | |
စိုက်ဆင်းလေပြင်းသည် မိုးအေးလေ(မိုးရေကြောင့် သိသိသာသာ အေးမြလာသော လေ)တဝိုက်က ဖန်တီးလိုက်ခြင်းသာ ဖြစ်ပြီး၊ မြေပြင်အဆင့် ရောက်ပြီးနောက် ပြင်းထန်သော တိုက်လေများအဖြစ် အဘက်ဘက်သို့ ပြန့်ထွက်သည်။ ခြောက်သွေ့စိုက်ဆင်းလေပြင်း(Dry downburst)နှင့် စိုစွတ်စိုက်ဆင်းလေပြင်း(Wet downburst)ဟူ၍ နှစ်မျိုးရှိသည်။ ပထမတမျိုးသည် မိုးရေနည်းနည်းသာ ပါသော မိုးကြိုးမုန်တိုင်းများနှင့် ပတ်သက် ဖြစ်ပေါ်ပြီး၊ ဒုတိယတမျိုးမှာ မိုးသည်းထန်စွာ ရွာသွန်းသော မိုးကြိုးမုန်တိုင်းကြောင့် ဖြစ်ပေါ်သည်။ မိုက်ခရိုလေပြင်း(Microburst)နှင့် မာခရိုလေပြင်း(Macroburst)ဟုလည်း နှစ်မျိုးခွဲပြန်သည်။ ပထမတမျိုးမှာ အလွန့်အလွန် ခွင်ငယ်ပြီး၊ ဒုတိယတမျိုးမှာ အလွန့်အလွန် ခွင်ကြီးသော လေပြင်းများ အသီးသီး ဖြစ်သည်။ နောက်တမျိုးအနေနှင့်၊ အပူလေပြင်း(Heat burst)ဆိုသည်မှာ မိုးရွာခြင်း ကင်းမဲ့နေသည့် ကျဲလွင့်အနားသတ်များနှင့် (နှင်း)မုန်တိုင်း အနားသတ်လိုင်းများ၏ ကျောဘက်ရှိ ဒေါင်လိုက် စီးကြောင်းများက ဖြစ်ပေါ်ခြင်း ဖြစ်သည်။ သူတို့ ဖြစ်ပေါ်ရာတွင် မိုးအေးလေ ကင်းမဲ့သည့်အတွက် အပူလေပြင်းများသည် သိသိသာသာ မြင့်မားသော အပူချိန်ကို ထုတ်ပေးသည်။ စိုက်ဆင်းလေပြင်းသည် ဒေါင်လိုက်တိုက်သော လေစောင်း၊ တနည်းဆိုသော် မိုက်ခရိုလေပြင်းကို ဖြစ်ပေါ်လာစေပြီး၊ လေကြောင်း ပျံသန်းရာ၌ အန္တရာယ် ရှိသည်။