![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/09/Flag_of_Greenland.svg/langmy-640px-Flag_of_Greenland.svg.png&w=640&q=50)
ဂရင်းလန်ကျွန်း
From Wikipedia, the free encyclopedia
ဂရင်းလန်ကျွန်းသည် ကမ္ဘာပေါ်၌ အကြီးဆုံးကျွန်း ဖြစ်၏။ ကမ္ဘာ့မြောက်ဖျား အာတိတ်စက်ဝိုင်းအတွင်းသို့ တစ်ကျွန်းလုံးလိုလို ကျရောက်နေသည်။ ဒေဗစ်ရေလက်ကြားနှင့် ဗက်ဖင်ပင်လယ်အော်တို့သည် ဂရင်းလန်ကျွန်းအား မြောက် အမေရိကတိုက်နှင့် ပိုင်းခြား၍ထားလေသည်။
ဂရင်းလန် Kalaallit Nunaat (ကလာအ်လီဆပ်) Grønland (ဒိန်းမတ်) | |||
---|---|---|---|
ဒိန်းမတ်ဘုရင့်နိုင်ငံတွင်းရှိ ကိုယ်ပိုင်အုပ်ချုပ်ခွင့်ရနယ်မြေ | |||
| |||
Anthem: "Nunarput utoqqarsuanngoravit" (ကလာအ်လီဆပ်) (အင်္ဂလိပ်: "You Our Ancient Land") | |||
Song: "Nuna asiilasooq" (ကလာအ်လီဆပ်) (အင်္ဂလိပ်: "The Land of Great Length")[မှတ်စု 1] | |||
![]() ဂရင်းလန်တည်နေရာ | |||
![]() ဂရင်းလန်ကျွန်း၏ တည်နေရာ (red) the Kingdom of Denmark အတွင်း (red and beige) | |||
အချုပ်အခြာပိုင် နိုင်ငံ | ဒိန်းမတ်ဘုရင့်နိုင်ငံ | ||
နော်ဝေနှင့် ပေါင်းစည်းခြင်း | ၁၂၆၂ | ||
ဒိန်းမတ်-နော်ဝေ ကိုလိုနီပြုခံရခြင်း | ၁၇၂၁ | ||
ဒိန်းမတ်သို့ လွှဲအပ်ခြင်း | ၁၄ ဇန်နဝါရီ ၁၈၁၄ | ||
ကိုယ်ပိုင်ဥပဒေ | ၁ မေ ၁၉၇၉ | ||
ကိုယ်ပိုင်အုပ်ချုပ်ခွင့် | ၂၁ ဇွန် ၂၀၀၉[2][3] | ||
မြို့တော် | Nuuk 64°10′N 51°44′W | ||
Largest city | မြို့တော် | ||
တရားဝင် ဘာသာစကားများ | ဂရင်းလန်ဘာသာစကား[မှတ်စု 2]
| ||
အသိအမှတ်ပြု ဘာသာစကားများ | ဒိန်းမတ်၊ အင်္ဂလိပ်နှင့် အခြား | ||
လူမျိုးစုများ | ဒေသခံတိုင်းရင်းသား[6]
ဒေသခံမဟုတ်သူ
| ||
ကိုးကွယ်သည့်ဘာသာ | ခရစ်ယာန်ဘာသာ | ||
အမည်များ |
| ||
အစိုးရ | Devolved government within a parliamentary constitutional monarchy | ||
• ဘုရင် | Frederik X | ||
• ကော်မရှင်နာမင်းကြီး | Mikaela Engell | ||
• Premier | Kim Kielsen | ||
• Speaker of the Inatsisartut | Vivian Motzfeldt | ||
ဥပဒေပြုရေး | Inatsisartut | ||
National representation | |||
• Folketing | အဖွဲ့ဝင် ၂ ဦး | ||
ဧရိယာ | |||
• စုစုပေါင်း | ၂,၁၆၆,၀၈၆ km2 (၈၃၆,၃၃၀ sq mi) | ||
• ရေ (%) | 83.1[မှတ်စု 3] | ||
Highest elevation | ၃,၇၀၀ မီတာ (၁၂၁၀၀ ပေ) | ||
လူဦးရေ | |||
• ၂၀၂၀ ခန့်မှန်းခြေ | ၅၆,၀၈၁[7] (၂၁၀) | ||
• သိပ်သည်းမှု | ၀.၀၂၈/km2 (၀.၁/sq mi) | ||
GDP (PPP) | ၂၀၁၁ ခန့်မှန်းခြေ | ||
• စုစုပေါင်း | $၁.၈ ဘီလီယံ[8] (not ranked) | ||
• Per capita | $၃၇,၀၀၀ (၄၀) | ||
HDI (၂၀၁၀) | ![]() high · ၆၁ | ||
ငွေကြေး | Danish krone (DKK) | ||
အချိန်ဇုန် | UTC±00:00 to UTC-04:00 | ||
ရက်စွဲပုံစံ | dd-mm-yyyy | ||
ယာဉ်မောင်းစနစ် | right | ||
ဖုန်းခေါ်ကုဒ် | +299 | ||
စာပို့သင်္ကေတ | 39xx | ||
ISO 3166 code | GL | ||
အင်တာနက် TLD | .gl |
ဂရင်းလန်ကျွန်း၏ ဧရိယာမှာ စတုရန်းမိုင် ၈၄ဝဝဝဝ မျှ ဖြစ်သည်။ အလျားမှာ မိုင် ၁၆ဝဝ ခန့်၊ အနံမှာ မိုင် ၇ဝဝ ကျော်ခန့် ဖြစ်သည်။ တစ်ဝက်ကျော်မျှသော မြေမျက်နှာပြင်ကို ထုထယ်ကြီးမားသော ရေခဲပြင်ဖုံးလွှမ်းနေသောကြောင့် တောင် ထိပ်များသာလျှင် ကွက်ကြား၊ ကွက်ကြားအားဖြင့် ရေခဲပြင် ပေါ်မှ ထိုး၍ ထွက်နေသည်။ ထိုရေခဲပြင်သည် နှစ်စဉ်တန်ချိန် ကုဋေ ၁ဝဝ ကျော်မျှလေးသော ရေခဲများကို ပင်လယ်ထဲသို့ ယူဆောင်ခဲ့သဖြင့် ပင်လယ်၌ မျောနေသော ရေခဲတောင်ကြီး များသည် ခရီးသွားသင်္ဘောများကို အန္တရာယ်ပြုနိုင်သည်။
ဂရင်းလန်၏ ကမ်းရိုး တန်းမှာ ကျောက်ထူထပ်၍ ကုန်းမြေတွင်းသို့ ရှည်လျားစွာ ဝင်နေသော ဖီအော့ခေါ် ရေမြောင်းကြီးများဖြင့်ပြည့်နှက်လျက်ရှိ သည်။ ဂရင်းလန်၏အရှေ့ဘက်ကမ်းခြေ၌ ရေအေးစီးကြောင်းတစ်ခု ဖြတ်၍ စီးနေသည်။ ထို့ကြောင့် လူမနေနိုင်လောက်အောင် အအေးလွန်ကဲသည်။ အနောက်ဘက်ကမ်းခြေမှာ အနည်းငယ်နွေး သဖြင့်၊ သစ်ပင်ပန်းမာလ်များ စိုစိုပြည်ပြည်ရှိ၏။ ၁၉၅၁ ခုနှစ် သန်းခေါင်စာရင်းအရ ဂရင်းလန်တွင် လူပေါင်း ၂၂Ý၅၈၁ ခန့် နေထိုင်သည်။ ယခုအခါဂရင်းလန်းကျွန်းတွင်နေထိုင်သူ 60000 ကျော်ခန့်ရှိသည်။ ထိုလူဦးရေထဲတွင် ဂရင်းလန်ကျွန်းသား အမြောက် အမြား ပါဝင်၍ ဒိန်းလူမျိုး အနည်းငယ်သာရှိသည်။ ကျွန်းသား များမှာ အအေးဒဏ်ခံနိုင်သော အက်စကီးမိုးများ ဖြစ်ကြ၍ ကမ်းရိုးတန်းတစ်လျှောက် ဆီးနှင်းထဲတွင် နေထိုင်ကြသည်။
ထိုကျွန်းသားတို့သည် ကူးသန်းသွားလာရေး အတွက် ခွေးဆွဲစွပ်ဖားနှင့် ဖျံရေဖြင့်ချုပ်လုပ်သော ကယက်ခေါ် လောင်းလှေများကို အသုံးပြုကြသည်။ အလုပ်အကိုင်မှာ တံငါ အလုပ်ပင် ဖြစ်၏။ သို့သော် မြေခွေး၊ ဝက်ဝံ အစရှိသော သားကောင်များကို ဖမ်းဆီးခြင်းဖြင့်လည်း အသက်မွေးမြူကြ သည်။
ဂရင်းလန်သည် ဒိန်းမတ်နိုင်ငံနှင့် ကူးသန်းရောင်းဝယ် သည်။ ကရိုင်အိုလိုက်ခေါ် သတ္တုတစ်မျိုးကို တင်ပို့ရောင်းချ သည်။ ကျောက်မီးသွေး၊ ကြေးဝါ၊ ရွှေနှင့် သံတို့ကို ကျွန်းပေါ် တွင် တွေ့ရှိရသည်ဟု ဆိုသည်။ အခြားထွက်ကုန်တို့မှာ ဝေလငါး အစိုနှင့် အခြောက်ကုန်၊ ငါးကြီးဆီ၊ ငှက်သိုက်၊ သားမွေးနှင့် တိရစ္ဆာန်တို့၏အရေများ ဖြစ်သည်။ ထိုကျွန်းကို ရှေးအခါကပင်လျှင် စကန်ဒီနေဗီးယန်း လူမျိုးတို့က သိရှိခဲ့သည်။ ခရစ် ၁၅၈၅ ခုနှစ်တွင် အင်္ဂလိပ် လူမျိုးတို့က ထပ်မံတွေ့ရှိသည်။
ရှေးအခါက ဂရင်းလန်ကျွန်းကို ဒိန်းမတ်နိုင်ငံအစိုးရက ကိုလိုနီစနစ်ဖြင့် အုပ်ချုပ်သည်။ ၁၉၅၃ ခုနှစ်၊ ဇွန်လ ၅ ရက် နေ့တွင် ယင်းကိုလိုနီစနစ်ကို ဖျက်သိမ်း၍ ဂရင်းလန်ကျွန်းကို ဒိန်းမတ်နိုင်ငံထဲသို့ သွတ်သွင်းခဲ့လေသည်။ ဂရင်းလန်ကျွန်း၌ မဲဆန္ဒနယ် ၂ နယ်ရှိရာ တစ်နယ်မှ ကိုယ်စားလှယ်တစ်ဦးကျကို ဒိန်းမတ်လွှတ်တော်သို့ စေလွှတ်ခွင့်ရှိသည်။