From Wikipedia, the free encyclopedia
ကရားကော့မြို့သည် ပိုလန်နိုင်ငံ၏ မြို့တော်ဟောင်း ဖြစ်၍ ဗစ္စတျူလမြစ်၏ လက်ဝဲဘက်ကမ်းပေါ်တွင်တည်ရှိသည်။ ရေကြောင်း အသွားအလာဖြစ်သော မြစ်ရိုးဒေသ၏ ထိပ်တွင် တည်ရှိသဖြင့်၊ စီးပွားရေးဖက်နှင့် နိုင်ငံရေးဖက်တို့တွင် အရေးပါလေသည်။ မီးရထားလမ်း ဆုံမြို့ ဖြစ်သဖြင့်လည်း ကူးသန်းရောင်းဝယ်ရာ ဗဟိုဌာနကြီးဖြစ်နေသည်။ ကရားကော့ မြို့နယ်၌ရှိသော ဗျေလိကဆားတွင်း များမှာ ထင်ရှားကြ၏။ ကရားကော့မြို့ အနီးတစ်ဝိုက်တွင် သွပ်၊ ခဲ၊ ကျောက်မီးသွေးများ တွေ့ရှိလျက်၊ ဓာတ်ပစ္စည်းများ၊ လယ်ယာဆိုင်ရာကရိယာများ၊ စက် ကရိယာများနှင့် အထည်အလိပ်များကို ပြုလုပ်ရောင်းချ ကြသည်။ ဗစ္စတျူလမြစ်၏ အထက်ဖက်တွင် ရှိသော ကျောက်တောင်ကုန်းပေါ်တွင် ရှေးအဆောက်အအုံများကို တွေ့နိုင်၏။ ၁၄ ရာစုနှစ်က ဆောက်လုပ်ထားသော ဘုရားရှိခိုးကျောင်းကြီးမှာ ရှေးပိုလန်ဘုရင် အဆက်ဆက်တို့ဘိသိက်ခံယူရာနေရာ ဖြစ်သည့်ပြင်၊ ပိုလန်အာဇာနည် ပုဂ္ဂိုလ်များကိုမြှုပ်နှံသော နေရာလည်းဖြစ်သည်။ ကရားကော့ တက္ကသိုလ် ကျောင်းကြီးမှာ ၁၃၆၄ ခုနှစ်၌ ဖွင့်ခဲ့၍ အလွန်ရှေးကျသော နှစ်ပေါင်း၅၀ဝ ခန့်က ထင်ရှားခဲ့သော နာမည်ကျော်နက္ခတ်ဆရာကြီး ကော့ပါးနိကပ်၏ ကျောက်ရုပ်ကို ထားရှိလေသည်။
ဒုတိယ ကမ္ဘာစစ်ကြီးအတွင်း ၁၉၃၉ ခုနှစ်၌ ဂျာမန်တို့သည် ကရားကော့မြို့ကို သိမ်းပိုက်ခဲ့ကြသော်လည်း၊ စစ်ကြောင့် မြို့၌ အပျက်အစီးများစွာ မဖြစ်လှချေ။ ၁၉၄၅ ခုနှစ်တွင် ရုရှစစ်တပ်များက ပြန်လည်သိမ်းပိုက်၍၊ ပိုလန်တို့လက်သို့ ပြန်အပ်လိုက်လေသည်။ ကရားကော့မြို့၏ ခန့်မှန်းခြေ လူဦးရေမှာ ၃၅၀ဝဝဝ ခန့်ဖြစ်၏။
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.