From Wikipedia, the free encyclopedia
Sabana (tamien coincida cumo anhara an Angola i cumo cerrado ne l Brasil) ye ua region praina cuja begetaçon predominante son las plantas gramíneas, cun arbles sparsas i arbustos eisolados ó an pequeinhos grupos.
La palabra mirandesa "sabana" probén de "habana", termo de la léngua taino (família aruaque), por meio de l termo spanhol "sabana" (mais tarde "sabana").[1] Dentre ls cumprobantes bibliográficos mais antigos de sou uso stá l libro D'orbe nuobo decades tres (1516), de Petrus Martyr.[2] L termo tamien fui ampregado por Obiedo y Baldés para se referir als Llanos benezuelanos, an sues obras Sumario de la Natural Storia de las Andias (1526) i Storia General y Natural de las Andias (1535). Mais tarde, l termo serie ampregado por Grisebach (1872) i Schimper (1898).
La defeniçon de sabana barie enormemente antre defrentes outores.[1]
Alguns outores (s., Schimper, 1898) cunsidran la sabana un tipo de campo. Para outros, specialmente franceses i belgas na África (s., Trochain, 1957), ancluen an sabana ciertos tipos de campos. Inda assi, ne l Brasil, tales acepçones son pouco quemuns, cunsidrando-se las sabanas un tipo de begetaçon andependiente.[3]
Normalmente, las sabanas son zonas de trasiçon antre bosques i prados. La sabana ye l bioma típico de las regiones de clima tropical cun staçon seca (Aw i Las na classeficaçon de Köppen-Geiger). Estas zonas se ancontran an defrentes tipos de ecossistemas, i sous tipos son:
Sabanas tropicales i subtropicales, son biomas giralmente situados an lhatitudes tropicales i subtropicales de ls cinco cuntinentes. San caratelizadas por:[4]
Las sabanas de la África son l'eisemplo clássico. Ua de las mais famosas ye l Serengueti, que queda lhocalizado ne l Bal de l Rift, antre l norte de la Tanzánia i l sudoeste de l Quénia.
La sabana africana ye cumpuosta por grandes stensones de tierra na África, cun begetaçon de sabana temperada heirbácea formada por capones de arbustos i arbles menores. La sabana ten un clima particular debido a las secas prolongadas, que puoden tener ua duraçon d'até dieç meses, cun eilebadas temperaturas i umidade de l'aire çértica. Quando chega la staçon de las chubas, debido a las sues caratelísticas, l crecimiento de la begetaçon ye stremamente acelerado, mas nestas sabanas eisisten manadas d'heirbíboros pasteijadores( p. s., la zebra Eiquus burchelli i l gnu Cunnochaetes taurinus na África) ténen amportante anfluéncia subre la begetaçon beneficiando las gramíneas i ampedindo la regeneraçon d'arbles[5] . Al cessar de las chubas, la begetaçon çancadielha seca cula mesma rapideç de sou crecimiento, fornecendo palha de fácele cumbuston, desta forma faborecendo l'ocorréncia d'ancéndios spontáneos ó por açon houmana, las queimadas. Ua de las mais famosas sabanas de la África ye l bioma de l Serengueti cun arbles baixas, mas an grande númaro, bastante spinhosas i de fuolhas reduzidas an tamanho, hai la predomináncia de l cato, de la acácia, de la palmeira i arbles de grande porte cumo l baobá, maruleira qu'aparecen an alguns ecossistemas de la sabana africana.
La sabana africana aparece na region frunteiriça antre la floresta mais densa i l zerto ne ls trópicos, acupando ua faixa bastante grande de l cuntinente africano zde lheste l'oeste, de l Sudan als Grandes Lhagos. La fauna [6] de la sabana africana ye cumpuosta por mamíferos heirbíboros de grande porte (cumo l búfalo, la girafa, l rinoceronte i l alifante), mamíferos heirbíboros (cumo la zebra, l ampala, l gnu i antílopes), mamíferos felinos predadores (cumo l lhion, l lheopardo i l guepardo), mamíferos canídeos (cumo l mabeco i chacal), abes (cumo l falcon, la águila, l cuorbo i l abestruç).
Modelo:Begetaçon de l Brasil L cerrado brasileiro ye un tipo de sabana, sendo l segundo bioma mais amenaçado de l paíç.
D'acuordo cul IBGE (2012), las sabanas de l Brasil recíben ls seguintes nomes lhocales: "cerrado" (ne l Brasil Central), "tabuleiro", "agriste" i "chapada" (na Region Nordiste); "campina" ó "gerales" (ne l norte de Minas Gerales, Tocantines i Bahia) i "lhabrado" (an Roraima).[7]
Tipos de sabana qu'ocorren na region de l Cerrado, d'acuordo cul IBGE (2012), cun nomes regionales antre parénteses:[7]
Antretanto, notar que, de la lhista arriba, son caratelizadas de fato cumo sabana, ne l sentido usual de l termo, solo las catadories Sabana Arborizada i la Sabana Parque. An giral, l Cerradon ye cunsidrado ua begetaçon florestal, i l campo-lhimpo ye cunsidrado cumo begetaçon de campo.
Outras begetaçones semelhantes la sabana (ambora nun cunsidradas assi splicitamente pul IBGE) fura de la ária de Cerrado ancluen, ne l Brasil:[7]
Outras regiones neotropicales, fura de la ária de l Cerrado sentido amplo i floristicamente defrentes deilha, nas quales ocorren begetaçon de sabana, ancluen: ls Llanos benezuelanos, ls Llanos de Mojos bolebianos (que chegan até Corumbá, MS), la Gran Sabana de l praino de las Guianas (que chega até AP, PA i RR), las sabanas amazónicas (campinaranas) i l Pantanal.[8]
Sabanas temperadas, biomas lhocalizados an lhatitudes médies de ls cinco cuntinentes, caratelizadas por possuíren un clima de berano mais húmido i ambiernos mais secos:
Sabanas mediterráneas, son biomas lhocalizados an lhatitudes médies, an regiones cun clima mediterráneo.
Se caraterizan por:
Sabanas pantanosas, son ecossistemas lhocalizados an regiones tropicales i subtropicales de ls cinco cuntinentes, cun frequentes inundaçones.
Se caraterizan por:
Sabanas muntanhosas se ancontran an altitudes eilebadas (zonas alpinas i sub-alpinas) an defrentes regiones de l planeta. Se caraterizan por tenéren eiboluído de forma eisolada debido a las cundiçones climáticas an detreminadas altitudes i, frequentemente, albergan muitas speces andémicas. Las plantas caratelísticas destes habitats mostran adataçones tales cumo: struturas an forma de roseta, superfices cerosas i fuolhas pubescentes.
|url=
(ajuda) (an t). [S.l.]: Artmed Eiditora. ISBN 9788536321684Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.