From Wikipedia, the free encyclopedia
An física, matéria (ben de l latin materia, sustáncia física) ye qualquier cousa que ten massa, acupa spácio (física) i stá sujeita la inércia. La matéria ye aqueilho que eisiste, aqueilho que forma las cousas i que puode ser oubserbado cumo tal; ye siempre custituída de partículas eilementares cun massa nó-nula (cumo ls átomos, i an scala menor, ls prótones, néutrons i eilétrones).
De acordo culas çcubiertas de la física de l seclo XX, tamien puode-se definir matéria cumo einergie bibrando an baixa frequéncia. La cuncepçon de matéria an ouposiçon la einergie, que perduraba na Física zde la Eidade Média, perdiu un pouco de l sentido cula çcubierta (anunciada an teorie por Albert Einstein) de que la matéria era ua forma de einergie.
Puoden eisistir trés stados de agregaçon de la matéria, que barian cunforme la temperatura i la presson las quales se submete un cuorpo: l stado sólido, que ye quando las partículas eilementares se ancontran fuortemente ligadas, i l cuorpo ten tanto forma quanto belume defenidos; l stado líquido, ne l qual las partículas eilementares stan ounidas más fracamente de l que ne l stado sólido, i ne l qual l cuorpo ten solo belume defenido; i l stado gazoso, ne l qual las partículas eilementares ancóntran-se fracamente ligadas, nun tenendo l cuorpo nin forma nin belume definidos.
Para alhá de l trés percipales stados de agregaçon de la matéria, hai más dous outros stados. Físicos de l final de l seclo XX demunstrórun que eisiste un quarto stado, l plasma, ne l qual las moléculas yá nun eisisten más i ls átomos ancóntran-se zagregados an sous cumponentes. La temperaturas superiores a 1.000.000 °C, todas las sustáncias ancóntran-se ne l stado de plasma. An 1925, Albert Einstein, juntamente a un físico andiano de nome Satyendra Nath Bose, prebiu que habie un quinto stado de la matéria, que solo se manifestarie an temperaturas baixíssemas, próssimas de l zero abseluto, balor até anton ampossible de ser atingido, que eiquibale la -273,16 °C. L zero abseluto serie eisatamente la temperatura dun cuorpo ne l qual todos ls átomos tubíssen parado de se mobimentar. L quinto stado de la matéria recebiu l nome de Cundensado Bose-Einstein.
Eisísten dous tipos de propiadades, las propiadades girales que stan persentes an todos ls tipos de matéria i las propiadades specíficas que çtínguen las sustancias.
Na filosofie(houmanas), la matéria ye oubjeto de studos de la ontologie, la deciplina que se preocupa an respunder basicamente a la pregunta: "Que eisiste?" La matéria ye defenida an alguns sistemas filosóficos cumo manifestaçon de la rialidade, an ouposiçon a la eideia.
Modelo:Sboço-física
Modelo:Eilemientos de la Natureza
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.