From Wikipedia, the free encyclopedia
Las uito teçtemunhas de l Lhibro de Mórmon, d'acuordo cula fé de ls Santos de l Redadeiros Dies, son las uito pessonas cumbidadas por Joseph Smith Jr para que bíssen las placas d'ouro mostradas a el pul anjo Moróni, para qu'assi fússen teçtemunhas speciales de la beracidade i debindade de l Libro de Mórmon.
Neilhas starien scritas las narraçones i registros de la quemunicaçon de Dius culs antigos habitantes de las Américas i la plenitude de l eibangelho eiterno. Mais tarde este registro nas placas serie traduzido por Joseph Smith Jr pul don i poder de Dius, dando ourige al Lhibro de Mórmon. Cada testemunha tocou l belume, folheando las páiginas que nun stubíssen selhadas.
Esta ye l sou testemunho, que sirbe d'antroduçon al Lhibro de Mórmon :
DEPOIMIENTO DE UITO TEÇTEMUNHAS
Sában todas las naciones, tribos, lhénguas i pobos a quien esta obra chegar, que Joseph Smith, Jr., l tradutor desta obra, mostrou-mos las placas mencionadas, que ténen l'aparéncia d'ouro; i que manuseamos tantas páiginas quantas l dezido Smith traduziu; i que tamien benimos las grabaçones qu'eilhas cunténen, que mos parécen ser ua obra antiga i d'eisecuçon smerada. I esto teçtemunhamos solenemente: que l dezido Smith mos mostrou las placas, pus nós las bimos i seguramos; i sabemos cun certeza que l dezido Smith ten las placas de que falamos. I damos nuossos nomes al mundo para teçtemunhar al mundo l que bimos. I nun mentimos, Dius sendo teçtemunha desto.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.