![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3d/Us-nasa-columbia.jpg/640px-Us-nasa-columbia.jpg&w=640&q=50)
Supercumputador
From Wikipedia, the free encyclopedia
Supercumputador ye un cumputador cun altíssema belocidade de processamiento i grande capacidade de mimória.Ten aplicaçon an árias de pesquisa que grande cantidade de processamiento se faç neçaira, cumo pesquisas melitares, científica, química, medecina. Supercumputadores son ousados para cálclos mui cumplexos i tarefas antensibas, cumo porblemas ambolbendo física quántica, macánica, meteorologie, pesquisas de clima, modelaige molecular (cumputaçon nas struturas i propiadades de cumpuostos químicos, macromoléculas biológicas, polímeros i cristales) i simulaçones físicas, cumo simulaçon d'abiones an túneis de bento, simulaçon de la detonaçon d'armas nucleares i ambestigaçon subre la fuson nuclear.
![](http://upload.wikimedia.org/wikipedia/commons/thumb/3/3d/Us-nasa-columbia.jpg/320px-Us-nasa-columbia.jpg)
Ls purmeiros supercumputadores fúrun criados na década de 1960 por Seymour Cray.Seymour Cray fondou sue própia ampresa, la Cray Research, an 1970 i dominou l mercado de la supercumputaçon durante 25 anhos (1965-1990).
Na década de 70 la Ounibersidade de Eillinois montou an cunjunto cula Burroughs Corporation l ILLIAC IB, un supercumputador que quedou famoso pulas dimensones.
La fiçon científica abordou l tema nun romance chamado "Colossus".
Hoije ls supercumputadores son fabricados por ampresas cumo SUPERMICRO, NEC, SUN (esta fui cumprada pula Ouracle an 2010), IBM, HP, Apple Anc., i etc. La lista atualizada de ls 500 sistemas cumputacionales mais poderosos coincidos puode ser oubtida an .ptop500.org/ top500.org.