Stória de Roraima
From Wikipedia, the free encyclopedia
La Stória de Roraima ye recente, mas nin por esso pouco cunturbada. Bárias bezes ambadida por dibersos paíçs antressados na region, a pouco assistida Roraima — region lhocalizada ne l stremo norte de l atual Brasil — çpertou pouco antresse por parte de l pertueses, specialmente passado la chegada de la família rial al Riu de Janeiro. Fui bastante cobiçada pul angleses, nerlandeses i, specialmente, spanholes.
![Thumb image](http://upload.wikimedia.org/wikipedia/commons/thumb/a/af/Boa_Vista_antiga_1.jpg/230px-Boa_Vista_antiga_1.jpg)
Palco de reboltas, massacres, crecimiento, sploraçon i progresso, fúrun bárias las ambasones strangeiras — todas eilhas neutralizadas pulas fuorças lhusitanas ne l Fuorte San Joaquim. Joaquim Nabuco, aclamado adbogado pernambucano, defendiu la region delantre de l rei de la Eitália ne l seclo XIX. Tierra que fui munecípio, território federal i stado.
La narraçon de tal stória ampeça-se ne l seclo XVIII, dous centenários passado l çcubrimiento de l Brasil por Cabral nas carabelas pertuesas an 1500.