Sistema
From Wikipedia, the free encyclopedia
From Wikipedia, the free encyclopedia
Un sistema (de l griego sietemiun), ye un cunjunto d'eilemientos anterconetados, de modo a formar un to ourganizado. Ye ua defeniçon qu'acuntece an bárias deciplinas, cumo biologie, medecina, anformática, admenistraçon. Benido de l griego l termo "sistema" senefica "cumbinar", "ajustar", "formar un cunjunto".
To sistema ten un oubjetibo giral a ser atingido. L sistema ye un cunjunto de uorgones funcionales, cumponentes, antidades, partes ó eilemientos i las relaçones antre eilhes, l'antegraçon antre esses cumponentes puode se dar por fluxo de anformaçones, fluxo de matéria, fluxo de sangre, fluxo de einergie, anfin, ocorre quemunicaçon antre ls uorgones cumponentes dun sistema.
La buona antegraçon de ls eilemientos cumponentes de l sistema ye chamada sinergie, detreminando que las trasformaçones ocorridas nua de las partes anfluenciará todas las outras. L'alta sinergie dun sistema faç cun que seia possible l'este cumprir sue finalidade i atingir sou oubjetibo giral cun eficiéncia; por outro lado se houbir falta de sinergie, puode amplicar an malo funcionamiento de l sistema, benido a causar anclusibe falha cumpleta, muorte, falhéncia , pane, queda de l sistema etc.
Bários sistemas possuen la propiadade de la homeostase, qu'an poucas palabras ye la caratelística de manter l meio anterno stable, mesmo delantre de mudanças ne l meio sterno. Las reaçones homeostáticas puoden ser buonas ó malas, dependendo se la mudança fui inesperada ó planeijada.
Tamien puode-se custruir modelos para abstrair aspetos de sistemas, cumo por eisemplo un modelo matemático, modelos de angenharie de software, gráficos.
An tenermos gerales, sistemas puoden ser bistos de dues maneiras:
Ls houmanos possuen ua bariadade de sistemas debido a la cumplexidade de l'ourganismo de la spece. Estes sistemas specíficos son amplamente studados pula anatomie houmana. Ls sistemas "houmanos" tamien stan persentes an bários animales.
Molécula <> Organela <> Célula <> Tecido <> Uorgon <> Sistema <> Organismo <> Populaçon <> Quemunidade <> Ecossistema <> Bioma <> Biócoro <> Biociclo <> Biosfera <> Cosmo
An ciéncia de la cumputaçon i ciéncia de l'anformaçon, sistema puode ser tamien ua funçon ó un algoritmo. Pa l purmeiro causo eisisten ls sistemas de cálclo, cumo ls numerales romanos, i bários sistemas para prenchimiento de formulairos, i ne l segundo causo hai ls de catalogaçon, cumo bários sistemas de biblioteca i de libraries que úsan la Classeficaçon facetada de Dewey, por eisemplo. Esto inda se ancaixa cula defeniçon de cumponentes que son anterconetados (neste causo, ne l'antuito de facelitar l fluxo d'anformaçones)
An pesquisa ouperacional i zambolbimiento ourganizacional, las ourganizaçones son bistas cumo sistemas houmanos (sistemas cunceituales) cumprendidos de cumponentes anteratibos cumo susistemas, porcessos i struturas ourganizacionales. Peter Senge (teorie de zambolbimiento ourganizacional) zambolbiu la noçon d'ourganizaçon i sistemas ne l sou libro The Fifth Decipline.
Pensamiento an Sistemas ten sido eidantificada cumo ua amportante cumpeténcia de liderança adonde un andibíduo pensa globalmente quando atua localmente. El ó eilha lieba an cunta las potenciales cunsequéncias dua decison an outras partes de l'ourganizaçon.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.