Pioneer 10
From Wikipedia, the free encyclopedia
Pioneer 10, sonda anterplanetária norte-amaricana, fui ua misson anterplanetária zambolbida a partir de l Porgrama Pioneer, que cunsistiu ne l zambolbimiento i geston d'uito missones anterplanetárias (Pioneer 6, 7, 8, 9, 10, 11, Bénus Orbiter i Bénus Multiprobe). Tamien coincida cumo Pioneer F, fui zenhada juntamente cula Pioneer 11 (ó G) pa l cumprimiento de ls oubjetibos defenidos ne l Pioneer Jupiter Mission.
Las Pioneer 10 i 11 recebírun an sou cuorpo percipal placas de ouro caraterizando ua mensaige cula eimaige houmana, causo la Pioneer 10 ó 11 séian antercetadas por seres straterrestres.
Debido a las caratelísticas de las órbitas de la Tierra i de Júpiter, la cada treze meses surge ua jinela de lançamiento que permite ua biaige anterplanetária mais eiquenómica an tenermos einergéticos (menos carburante i cumo tal, menos peso), fui defenido que se eirien custruir dues sondas idénticas la séren lançadas cun un anterbalo de treze meses. La purmeira (la Pioneer 10) a ser lançada an 1972 i la segunda (la Pioneer 11) a ser lançada an 1973. L porgrama fui aprobado an Febreiro de 1969 defenindo, la partida, trés grandes oubjetibos pa a misson:
- Splorar l meio anterplanetairo para para alhá de la órbita de Marte;
- Ambestigar la cintura d'asteroides i berificar ls peligros qu'esta repersenta pa las sondas nas missones para para alhá de la órbita de Marte, i
- Splorar l sistema de Júpiter.