Ostrogodos
From Wikipedia, the free encyclopedia
From Wikipedia, the free encyclopedia
Un de ls ramos de ls godos, l reino ostrogodo, que se stendie de l Mar Negro até l Báltico, alcançou l poderio mássimo cun Ermanarico, mas fui dominado puls hunos por buolta de l'anho 370. Passado l colapso de l'ampério huno an 455, dous anhos depuis de la muorte de sou xefe Átila, ls ostrogodos penetrórun na Panónia (Danúbio central) i derigírun-se pa la Eitália, adonde l'amperador Rómulo Augústulo habie sido derrotado (476) por Odoacro, xefe de ls hérulos. An 493, l rei ostrogodo Teodorico l Grande derrotou Odoacro i gobiernou la Eitália até la muorte, an 526. Teodorico fui un gobernante hábil, que soube cunserbar l'eiquelíbrio antre las anstituiçones amperiales i las tradiçones bárbaras. Home culto, eiducado na corte de Custantinopla, capital de l Ampério Romano de l Ouriente, cunseguiu ganhar la simpatie de l'aristocracie romana, cujos prebilégios anteriores respeitou, i de l pobo, qu'assistie sastifeito a la rializaçon d'obras públicas pa la recustruçon i modernizaçon de Roma. Al que parece, Teodorico alimentaba l porjeto de fundar un ampério godo qu'ampusisse sou domínio subre l restro de l mundo bárbaro. Para esso, mantubo cuntato cun outras tribos godas i stableciu binclos fameliares culs francos, ls bándalos i ls burgúndios. Sue muorte criou un antrincado porblema de sucesson, fato de que se baliu l'amperador bizantino Justeniano I para anterbenir na península Itálica. Passado l período de las Guerras Góticas, l eisército romano ouriental, sob l quemando de Belisário, derrotou cumpletamente ls ostrogodos, derigidos por sou nuobo rei Totila. Ls subrebibentes çpersórun-se ó fúrun reduzidos a la scrabidon. Un nuobo rei, Teia, fui ampossado, mas tubo un cúrtio reinado. Anton l Ampério Bizantino dominou, por cierto tiempo, la península Itálica i outros territórios antes pertencentes al Ampério Romano de l Oucidente.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
