Michelangelo di Lodovico Buonarroti Simoni (Caprese, 6 de márcio de 1475 — Roma, 18 de febreiro de 1564), mais coincido simplesmente cumo Miguel Ángelo, fui un pintor, scultor, poeta i arquiteto eitaliano, cunsidrado un de ls maiores criadores de la stória de l'arte de l'oucidente.
![](http://upload.wikimedia.org/wikipedia/commons/thumb/5/5e/Miguel_%C3%81ngel%2C_por_Daniele_da_Volterra_%28detalle%29.jpg/640px-Miguel_%C3%81ngel%2C_por_Daniele_da_Volterra_%28detalle%29.jpg)
![](http://upload.wikimedia.org/wikipedia/commons/thumb/d/d5/David_von_Michelangelo.jpg/640px-David_von_Michelangelo.jpg)
Zambolbiu l sou trabalho artístico durante mais de setenta anhos repartidos antre Florença i Roma, adonde bibírun ls sous grandes mecenas, la família Medici de Florença, i bários papas romanos. Ampeçou-se cumo daprendiç de ls armanos Davide i Domenico Ghirlandaio an Florença. Tenendo l sou talento lhougo recoincido, tornou-se un portegido de ls Medici, pa quien rializou bárias obras. Depuis fixou-se an Roma, adonde deixou las sues obras mais repersentatibas. Zambolbiu la sue carreira ne l período de trasiçon de l Renacimiento pa l Maneirismo, nun stilo que sintetizou anfluéncias de l'arte de la Antiguidade clássica, de l purmeiro Renacimiento, de ls eideales de l Houmanismo i de l Neoplatonismo, centrado na repersentaçon de la figura houmana i an special ne l znudo masculino, que retratou cun einorme pujança.
Bárias de sues criaçones stan antre las mais célebres de l'arte de l'oucidente, çtacando-se na scultura l Baco, la Pietà, l David, las dues tumbas de ls Medici i l Moisés; na pintura l basto ciclo de l teto de la Capielha Sistina i l Juízo Final ne l mesmo lhocal, i dous frescos na Capielha Paulina; serbiu cumo arquiteto de la Basílica de San Pedro amplementando grandes reformas an sue strutura i zenhando la cúpula, remodelou la praça de l Capitólio romano i porjetou dibersos eidifícios, screbiu, inda, grande númaro de poemas.
Inda an bida fui cunsidrado l maior artista de sou tiempo; chamában-lo l Debino i, al lhargo de ls seclos, solo reforçou la sue fama de génio. Miguel Ángelo fui un de ls purmeiros artistas oucidentales a tener sue biografie publicada inda an bida. Pa la posteridade Miguel Ángelo permanece cumo un de ls poucos artistas que fúrun capazes de spressar la spriéncia de l guapo, de l trágico i de l sublime nua dimenson cósmica i ounibersal.
- Madonna
- Leda
- Pietà Rondanini
- Ganymede, copia de 1532.
- Madonna
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.