Jugoslábia
From Wikipedia, the free encyclopedia
From Wikipedia, the free encyclopedia
La Jugoslábia fui un paíç qu'eisistiu na region de ls Bálcanas na Ouropa durante la maior parte de l seclo XX. El surgiu passado la Purmeira Guerra Mundial, an 1918,[1] sob l nome de Reino de ls Sérbios, Croatas i Slobenos atrabeç de la fuson de l probisório Stado de ls Slobenos, Croatas i Sérbios (el própio formado por territórios de l'antigo Ampério Austro-Húngaro) cul Reino de la Sérbia, antes andependiente. La casa rial sérbia de Karađorđeibić tornou-se la dinastie rial iugoslaba. La Iugoslábia ganhou reconhecimiento anternacional an 13 de júlio de 1922 na Cunferéncia de ls Ambaixadores an Paris.[2] L paíç recebiu l nome de ls pobos slabos meridionales i custituiu la sue purmeira ounion, passado seclos an que tales territórios tenien sido parte de l Ampério Otomano i de la Áustria-Hungrie.
Las seis repúblicas socialistas que custituíran l paíç éran la RS de la Bósnia-Heirzegobina, RS de la Croácia, RS de la Macedónia, RS de Montenegro, RS de la Eslobénia i la RS de la Sérbia. La Sérbia cuntenie inda dues porbíncias socialistas outónomas, Bojbodina i Cosobo, que depuis de 1974 éran an grande parte eiguales als outros nembros de la federaçon.[3][4] Depuis dua crise eiquenómica i política na década de 1980 i de l surgimiento de l nacionalismo, la Iugoslábia fui zeintegrada al lhongo de las frunteiras de sues repúblicas, einicialmente an cinco países, lhiebando a la Guerra de la Iugoslábia.
Depuis de la dissoluçon, las repúblicas de la Sérbia i Montenegro formórun ua federaçon reduzida, la República Federal de la Iugoslábia (RFI), qu'aspiraba al statuto de único sucessor lhegal de la RFSI, mas essas rebindicaçones éran negadas pulas outras ex-repúblicas. Eibentualmente, la Sérbia i Montenegro aceitórun l'oupenion de l Comité de Arbitraige de Badinter subre la sucesson cumpartilhada.[5] La própia Sérbia i Montenegro se separórun an 2006 i tornórun-se Stados andependientes, anquanto l Cosobo proclamou la sue andependéncia an 2008.
Ber artigo percipal: Stória de la Iugoslábia.svg)
L purmeiro Stado propiamente iugoslabo fui formado an 1918, l Reino de ls Sérbios, Croatas i Slobenos, que passou a chamar-se Reino de la Jugoslábia an 1929, eisistindo sob esta chamaçon até ser ambadido an 1941 pulas poténcias de l Eixe, cula eimergéncia de la Segunda Guerra Mundial.[sin fuontes]
Durante la guerra, la Iugoslábia fui lhibertada de l domínio nazi-fascista puls chamados Partisans, lhiderados pul guerrilheiro quemunista Josip Broç Tito, que tornar-se-iba l lhíder dua nuoba Iugoslábia, desta beç un Stado quemunista cul nome de "República Popular Federal de la Iugoslábia". An 7 d'abril de 1963, l paíç passarie la se chamar República Socialista Federatiba de la Iugoslábia. L Stado eisistiu desta forma até 1992, quando quatro de las seis repúblicas que la cumpunhan — Slobénia, Croácia, Macedónia i Bósnia i Heirzegobina — deixórun la federaçon para formar nuobos stados cumpletamente andependientes.[sin fuontes]
Las repúblicas remanescentes — Sérbia i Montenegro — formarian la República Federal de la Iugoslábia. An 2003, l nome Iugoslábia fui ouficialmente abolido quando l Stado fui trasformado nua quemunidade pouco sólida chamada Sérbia i Montenegro. An 21 de maio de 2006, rializou-se un referendo para detreminar la buntade de l pobo acerca de l'andependéncia de Montenegro. Ls resultados andicórun que 55.5% de ls eileitores habien scolhido la andependéncia, pouco mais que ls 55% requeridos pul referendo. An 3 de júnio de 2006, l parlamiento montenegrino declarou ouficialmente l'andependéncia de l nuobo paíç. Yá an 17 de febreiro de 2008, l parlamiento de Cosobo aprobou, unilateralmente, la declaraçon de l'andependéncia de la porbíncia feita pul purmeiro-menistro Hashin Thaçi durante ua sesson special na capital, Pristina. La sesson cuntou cula persença de 104 parlamentares.[sin fuontes]
La Sérbia staba sob domínio de l Ampério Otomano zde 1463. Fui submetida al domínio turco até 1830, quando ampeçou a tener outonomie, i solo an 1882 fui declarada andependiente cun ajuda de ls países de la Ouropa. An 1912 i 1913, Sérbia i Montenegro ounírun-se an lhuitas contra ls turcos, i juntos cunseguiran territórios. An 1914, acunteciu l assassinato de Sarajebo, que fui l stopin pa la Purmeira Guerra Mundial, quando l Ampério Austro-Húngaro, aliado de la Almanha i cul apoio de l Ampério Otomano, que éran coincidos cumo Tríplice Aliança, declarou guerra als sérbios, que éran aliados de l Ampério Russo, Fráncia i Reino Ounido, nua coligaçon coincida cumo Tríplice Entente.[sin fuontes]
Cula bitória de la Tríplice Entente, fui fundado l Reino de ls Sérbios, Croatas i Slobenos, qu'era l'ounion de ls territórios slabos de l sul: Sérbia, cun Boibodina i Cosobo; Montenegro; Croácia, cun Dalmácia i Slabónia; Bósnia - Heirzegobina; Macedónia; Slobénia.[sin fuontes]
An todas estas regiones, ls pobos éran slabos, falában lhénguas slabas, cun predomináncia de l serbo-croata, mas cun religiones defrentes. Ls sérbios repersentában la maior parte de la populaçon, cun maiorie na Sérbia i minories nas demales regiones de l reino. An 1929, l rei Alexandre mudou l nome de l paíç para Reino de la Jugoslábia, que senefica "tierra de ls slabos de l sul".[sin fuontes]
De 1941 a 1945, durante la Segunda Guerra Mundial, eitalianos i almanes acupórun la Jugoslábia, i Hitler i Mussoleni ampusírun regimes fascistas que resultórun an matanças i atrocidades. Assi surgiran mobimientos de resisténcia, ne ls quales ls Partisanes — guerrilheiros quemunistas lhiderados pul croata Josip Broç Tito — i suldados monarquistas coincidos cumo chetniks lhutórun contra l'acupaçon i cunseguiran se lhibertar sin l'ajuda de l Eisército Burmeilho de la Ounion Sobiética.[sin fuontes]
Ber artigo percipal: República Socialista Federatiba de la Iugoslábia
Cula bitória política, Tito stableciu la República Socialista Federatiba de la Jugoslábia, qu'agrupaba seis repúblicas: Sérbia, Croácia, Slobénia, Bósnia i Heirzegobina, Montenegro i Macedónia. El criou tamien un sistema rotatibo pa l gobierno, que para eibitar l'ansastifaçon de qualquiera ua de las repúblicas, cunsistia na andicaçon de l persidente por parte de cada ua de las repúblicas. L regime iugoslabo sob Tito quedou coincido cumo Titoísmo.[sin fuontes]
Ua anedota que sintetizaba l sistema político-étnico de la Jugoslábia sob Tito era: "Seis repúblicas, cinco etnias, quatro lhénguas, trés religiones, dous alfabetos i un Partido". Tito seguiu ua lhinha d'andependéncia an relaçon a las ourientaçones de Moscobo, anfurecendo las outoridades sobiéticas. An 1948, ls dous países rompírun ouficialmente, i la Jugoslábia fui spulsa de l Comintern, dando ampeço al período coincido cumo Anformbiro ne ls Bálcanas. Durante la Guerra Frie, la Jugoslábia percurou ser neutra i nun se alinhou la nanhun de ls lhados, anque tener un gobierno socialista. Eilha fui ua de las naciones fundadoras de l Mobimiento de ls Países Nó-Alinhados, ancaixando-se ne l grupo de l chamado Terceiro Mundo.[sin fuontes]
Cula zestalenizaçon, Nikita Khruschob restourou i normalizou las relaçones antre ls dous países, mas ls iugoslabos mantibírun sue outonomie geopolítica. Esso permitiu la Tito lhiderar l Mobimiento Nó-Alinhado, que se tornou ua fuorça spressiba ne l Terceiro Mundo de la década de 1950 até ls anhos 1980.[sin fuontes]
|radadeiro= ignorado (ajuda); |nome1= sem |sobrenome1= em Authors list (ajuda)Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
