![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/02/Bandera_de_Gra%25C3%25B1%25C3%25A9n.svg/langmwl-640px-Bandera_de_Gra%25C3%25B1%25C3%25A9n.svg.png&w=640&q=50)
Grañén
un munecípio aragonés de la porbíncia de Huesca / From Wikipedia, the free encyclopedia
Grañén ye un munecípio aragonés de la porbíncia de Huesca (an spanhol provincia de Huesca; an aragonés provincia de Uesca; i an catalan província d'Osca) sito na comarca de ls Monegros (an spanhol Los Monegros; an aragonés Os Monegros; i an catalan Els Monegres). La sue populaçon ye de 1 748 habitantes (2017), nua ária de 124 km² cun ua densidade populacional de 14,1 hab/km². La ária munecipal cumprende tamien las aldés de Callén, Curbe, Fraella i Montesusín.
| |||||
![]() | |||||
Cordenadas | 41°56’27’’N 0°22’ 8’’O | ||||
Antidade Paíç Quemunidade outónoma Porbíncia Comarca |
Munecípio Spanha Aragon Huesca Monegros | ||||
Persidente de la cámara municipal | Carlos Sampériz Enguita | ||||
Subdebisones | Cinco aldés: Grañén, Callén, Curbe, Fraella i Montesusín | ||||
Ária | 124 km² | ||||
Populaçon | 1804 habitantes (2016) | ||||
Altitude | 332 m | ||||
Çtáncia | 23 km para Huesca | ||||
Código d'andereçamiento postal | 22260 |
![Thumb image](http://upload.wikimedia.org/wikipedia/commons/thumb/2/20/Torre_de_la_Iglesia_de_Gra%C3%B1%C3%A9n_por_Antonio_M%C3%A1rquez_Barril.jpg/640px-Torre_de_la_Iglesia_de_Gra%C3%B1%C3%A9n_por_Antonio_M%C3%A1rquez_Barril.jpg)
La sue zona antiga argue-se subre ua suable eilebaçon, al sou pie de la Eigreija Paroquial de Santiago i a la selombra de ls restos de l antigo castielho, i domina l núcleo moderno, surgido ambaixo na prainada i que se stende para la staçon de camboios, junto a la strada.[1]
Grañén tamien ye un amportante cruzamiento de caminos de fierro, yá que por eilhi passa l camino de fierro de Madrid-Barcelona, por Lérida, alen de las stradas que quemunica cun Huesca, Tardienta, Tramaced i Salillas, antre outras poboaçones.[1]
Spalha-se la ária municipal por ua basta prainada geográfica de la Hoya de Huesca, mas yá an tierras monegrinas trasformadas an nuobos regadios pul canhal de l Flumen; l riu homónimo margeia la zona ourbana, que yá figuraba cumo bila an 1785.[1]
Grañén mantén ultimamente ua populaçon quaije siempre por cima de ls 1500 habitantes. Ne l passado, fui merindade de Huesca i depuis subrecolhida, bereda i corregimiento. Formou l sou própio cunceilho an 1834, culs montes de Curbe, Pompién, Sodeto i Tubo. Antre 1970 i 1980, juntórun-se Callén i Fraella. Cunta tamien cumo agregados ls bairros (nuobas poboaçones de colonizaçon) de Montesusín i Curbe.[1]
Anquanto la zona antiga cunserba l sou alto sabor, cun eidifícios de adobe i de lama anfileirada, na sue maiorie cun fachadas rebocadas i caiadas; l'outra zona moderna, ambaixo, se carateriza puls sous eidifícios de bários andares, de tijolos i pulas sues amplas bias publicas, cun grandes spácios abiertos i zonas ajardinadas. San dues árias bien defrenciadas i que forman, inda assi, un todo harmónico.[1]