Biquipédia:Ourtografie
From Wikipedia, the free encyclopedia
Eiqui se çcriben las reglas ourtográficas percipales de l mirandés, cunforme spressas na "Cumbençon Ourtográfica de la Lhéngua/Léngua Mirandesa" — ua einiciatiba cunjunta de la Cámara Munecipal de Miranda de l Douro i de l Centro de Lhenguística de la Ounibersidade de Lisboua —, aprobada an 1999, i na sue "Purmeira Adenda", de febreiro de 2000.
La Cumbençon Ourtográfica fui feita cul oujetibo de stablecer critérios ounitairos, sistemáticos, claros i eiquenómicos pa screbir i lher an mirandés. La Adenda bieno de la necidade de cuntemplar ciertas specifecidades de l dialeto sendinés, sin sacraficar la ounidade giral de la ourtografie mirandesa.