Animal
From Wikipedia, the free encyclopedia
L reino Animalia, Reino Animal ó Reino Metazoa ye cumpuosto por seres bibos multicelularlas an que las células forman tecidos biológicos, cun capacidade de respunder al ambiente que ls ambolbe ó, por outras palabras, puls animales. Al cuntrário de las plantas, ls animales son heiterotróficos, ó seia, buscan ne l meio adonde biben sou alimento, cumo plantas i outros animales para subrebibíren. La maioria de ls animales ten un plano corporal que detremina-se a la medida que tornan-se maduros, i, fuora an animales cun metamorfose, esse plano corporal ye feito zde ciedo na sue uontogenie quando son inda ambriones. Ls gametas, na maiorie de l causos, quando custituen la linhaige germinatiba, son porduzidos an uorganos sternos, cujas células, tirandolas sponjas, nun ténen reproduçon.
L studo científico de ls animales ye chamado zologie. Tradecionalmente, la zologie studaba todos ls seres bibos culas caratelísticas çcrebidas arriba mas, atualmente, cumo resultado de studos filogenéticos, cunsidran-se ls Protista cumo un grupo apartado de ls animales.
L termo "animal" ye frequentemente outelizado para chamar todos ls animales defrentes de ls houmanos i raramente para se refire a animales nun classeficados cumo Metazoários (ber "Metazoa" a seguir). La palabra "animal" deriba de l Latin anima, ne l sentido de fólego bital, i bino pa l Pertués pula palabra an latin animalis. Animalia ye sou plural.