Anarquismo
From Wikipedia, the free encyclopedia
Anarquismo (de l griego ἀναρχος, transl. anarkhos, que quier dezir "sin gobernantes",[1][2] a partir de l prefixo ἀν-, an-, "sin" + ἄρχή, arkhé, "soberanie, reino, magistratura"[3] + l sufixo -ισμός, -ismós, de la raiç berbal -ιζειν, -izein) ye ua filosofie política que angloba teories i açones que bisen la eiliminaçon de todas las formas de goberno cumpulsório.[4] Dun modo giral, anarquistas son contra qualquier tipo de orde hierárquica que nun seia lhibremente aceita [5], defendendo tipos de ourganizaçones libertárias.
Anarquia quier dezir auséncia de coerçon i de orde. Ua de las bisones de l senso quemun subre l tema ye na berdade l que se chama por "anomie", ó seia, auséncia de leis. Eisiste an torno desta queston un debate acerca de la necidade ó nun dua moral anarquista, ó se la natureza houmana bastarie por si solo na manutençon pacífica de las relaçones.
Las defrentes bertentes de l anarquismo ténen cumprensones defrentes quanto als meios para la aboliçon de l gobernos i quanto a la forma de ourganizaçon social que desso resultarie.