From Wikipedia, the free encyclopedia
It-tim nazzjonali tal-futbol ta' San Marino huwa r-rappreżentazzjoni tal-futbol ta' San Marino, ikkontrollat mill-Federazione Sammarinese Gioco Calcio.
![]() | ||||
Psewdonimu | La Serenissima | |||
---|---|---|---|---|
Assoċjazzjoni | Federazione Sammarinese Giuoco Calcio | |||
Konfederazzjoni | UEFA (Ewropa) | |||
Kowċ | Franco Varrella | |||
Kaptan | Davide Simoncini | |||
Rekord ta' preżenzi | Andy Selva (73) | |||
Rekord ta' gowls | Andy Selva (8) | |||
Stadju prinċipali | Stadju San Marino | |||
Kodiċi tal-FIFA | SMR | |||
| ||||
Klassifika tal-FIFA | ||||
Pożizzjoni attwali | 210 | |||
L-ogħla | 118 (Settembru 1993) | |||
L-inqas | 211 (Novembru 2018 – Lulju 2019) | |||
L-ewwel logħba | ||||
![]() ![]() (Serravalle, San Marino; 14 ta' Novembru 1990) | ||||
L-ikbar rebħa | ||||
![]() ![]() (Serravalle, San Marino; 28 t'April 2004) | ||||
L-ikbar telfa | ||||
![]() ![]() (Serravalle, San Marino; 6 ta' Settembru 2006) |
Minħabba d-dimensjonijiet u l-popolazzjoni żgħira tal-pajjiż, fejn huwa l-iżgħar pajjiż tal-UEFA, San Marino huwa wieħed mill-ifqar timijiet nazzjonali kemm teknikament kif ukoll f'termini ta' riżultati fl-Ewropa kif ukoll tad-dinja. Wara tnaqqis stabbli li beda fl-1994, it-tim nazzjonali spiċċa fil-qiegħ tal-klassifika tal-FIFA, fejn attwalment jinsab jaqsam il-203 post mingħajr ebda punt.
L-ewwel logħba uffiċjali li ntlagħbet minn tim minn San Marino kienet telfa ta' 4–0 kontra l-Iżvizzera, valida għall-Kampjonati Ewropej 1990. Preċedentament fl-1986, San Marino kien tilef 1–0 f'logħba ta' ħbiberija kontra t-tim nazzjonali Olimpiku tal-Kanada, minkejja li din ma kinitix ikkunsidrata bħala logħba uffiċjali. Minn mindu għamlu d-debutt kompetittiv tagħhom, San Marino ħa sehem f'kull fażi ta' kwalifikazzjoni għall-Kampjonati Ewropej u t-Tazza tad-Dinja, imma għadu qatt ma rebaħ logħba. L-unika rebħa fl-istorja waslet kontra l-Liechtenstein bl-iskor ta' 1–0, f'logħba ta' ħbiberija li ntlagħbet fit-28 ta' April 2004.
Minkejja li l-Federazzjoni tal-Futbol ta' San Marino ġie fundat fl-1931, il-federazzjoni ma kinitx stabillixxiet ruħha bħala tim nazzjoni sa l-1986, meta tim irrappreżenta l-federazzjoni kontra it-tim tal-Kanada ta' l-Olimpjadi f'kampjonat mhux uffiċċjali. San Marino ngħaqad mal-UEFA u l-FIFA fl-1988, fejn b'hekk seta' jibda' jipparteċipa fil-komepetizzjonijiet il-kbar. Qabel dan li ġara, plejers minn Sammarinese kienu kkunsidrati bħala plejers Taljani.
L-ewwel logħba internazzjonali ta' San Marino kienet kontra l-Isvizzera fl-14 ta' Novembru 1990 fil-fażi ta' kwalifikazzjoni għall-Kampjonati Ewropej ta' l-1992 (Euro 1992). San Marino tilfu 4-0, u tilfu wkoll it-tmien partiti l-oħra. Fil-fatt dan it-tim bata' biex jikseb riżultati tajbin barra minnd darhom fejn kważi f'kull logħba laqqat erba' gowls. San Marino skorja gowl wieħed, penalty fit-telfa ta' 3-1 kontra r-Rumanija, u laqqat total ta' 33 gowl.
Fl-ewwel fażi ta' kwalifikazzjoni, għal San Marino, għat-Tazza tad-Dinja huma kienu ġew fil-grupp kontra l-Ingilterra, l-Olanda, in-Norveġja, il-Polonja u t-Turkija. Fil-logħba tal-ftuħ kontra n-Norveġja huma tilfu 10-0. Il-partita ta' wara provdiet inqas gowls hekk kif in-Norveġiżi rebħu 2-0. It-telfa ta' 4-1 kontra t-Turkija tathom l-ewwel gowl fi-Tazza tad-Dinja, u l-pari ta' 0-0 fil-partita ta' ritorn tathom l-ewwel punt. Fl-aħħar logħba kontra l-Ingilterra, San Marino kisbu r-rekord ta' l-aktar gowl kmieni fl-istorja tat-Tazza tad-Dinja. Davide Gualtieri skorja l-gowl wara biss 8.3 sekondi wara passaġġ ħażin ta' Stuart Pearce. Il-partita spiċċat b'rebħa għall-Ingliżi, 7-1. San Marino spiċċaw il-kampanja b'punt wieħed u total ta' 44 gowls li laqqtu.
San Marino rebħu s'issa logħba waħda internazzjonali; 1-0 kontra Liechtenstein f'logħba ta' ħbiberija fl-2004. Andy Selva skorja l-gowl rebbieħ. L-agħar telfa li ġarrab dan it-tim kienet it-telfa ta' 13-0 kontra l-Ġermanja fil-fażi ta' kwalifikazzjoni għall-Euro 2008, fis-6 ta' Settembru 2006.
San Marino jilgħab il-logħob f'daru fil-grawnd "Stadio Olimpico", grawnd li jinsab f'Serravalle u għandu kapaċità ta' 5,387. San Marino lagħab ukoll żewġ partiti ta' daru barra minn daru. Dan kien fil-fażi ta' kwalifikazzjoni, kontra l-Ingilterra u l-Olanda fl-1993, meta huma lagħbu fi "Stadio Renato Dall'Ara" f'Bologna.
Ir-rekord ta' San Marino jagħtihom reputazzjoni żgħira fil-futbol mondjali. Din ir-repubblika għadha ma rebħitx logħba kompetittiva, bl-unika rebħa tkun il-logħba ta' ħbiberija kontra Liechtenstein fejn kienet spiċċat 1-0. Bl-iżgħar popolazzoni fil-pajjiżi tal-UEFA, ma tantx hemm minn fejn jintagħżlu plejers. Il-plejers huma il-biċċa l-kbira dilettanti, bi plejers bħal Andy Selva u Aldo Simoncini li huma professjonali. It-telfa ta' 13-0 kontra l-Ġermanja kien rekord fil-Kampjonati Ewropej u huma laqqtu għaxar gowls oħra f'żewġ okkażjonijiet oħra.
L-iskwadra magħżula għal-logħba ta' kwalifikazzjoni għall-Kampjonati Ewropej 2012 kontra l-Iżvezja fis-6 ta' Settembru 2011.
Preżenzi u gowls aġġornati sas-6 ta' Settembru 2011
Nru. | Poż. | Plejer | Data tat-twelid (età) | Preżenzi | Gowls | Klabb | ||
---|---|---|---|---|---|---|---|---|
1 | G | Federico Valentini | 22 ta' Jannar 1982 | 10 | 0 | ![]() | ||
12 | G | Michele Ceccoli | 4 ta' Diċembru 1973 | 3 | 0 | ![]() | ||
2 | D | Fabio Vitaioli | 5 ta' April 1984 | 21 | 0 | ![]() | ||
5 | D | Davide Simoncini | 30 ta' Awwissu 1986 | 23 | 0 | ![]() | ||
6 | D | Simone Bacciocchi | 22 ta' Jannar 1977 | 55 | 0 | ![]() | ||
13 | D | Matteo Andreini | 10 ta' Ottubru 1981 | 22 | 0 | ![]() | ||
14 | D | Giacomo Benedettini | 7 ta' Ottubru 1982 | 5 | 0 | ![]() | ||
3 | M | Damiano Vannucci | 30 ta' Lulju 1977 | 63 | 0 | ![]() | ||
4 | M | Fabio Bollini | 19 ta' Settembru 1983 | 11 | 0 | ![]() | ||
8 | M | Michele Cervellini | 14 ta' April 1988 | 10 | 0 | ![]() | ||
9 | M | Matteo Coppini | 5 ta' Mejju 1989 | 5 | 0 | ![]() | ||
11 | M | Manuel Marani | 7 ta' Ġunju 1984 | 29 | 1 | ![]() | ||
15 | M | Matteo Bugli | 10 ta' Marzu 1983 | 20 | 0 | ![]() | ||
16 | M | Alex Gasperoni | 30 ta' Ġunju 1984 | 20 | 1 | ![]() | ||
17 | M | Pier Filippo Mazza | 20 ta' Awwissu 1988 | 7 | 0 | ![]() | ||
7 | A | Matteo Vitaioli | 27 ta' Ottubru 1989 | 19 | 0 | ![]() | ||
10 | A | Andy Selva | 25 ta' Mejju 1976 | 54 | 8 | Mingħajr klabb | ||
18 | A | Paolo Montagna | 28 ta' Mejju 1976 | 44 | 0 | ![]() |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.