From Wikipedia, the free encyclopedia
Moderato Wisintainer, magħruf sempliċement bħala Moderato (twieled fl-14 ta' Lulju 1902 – miet fil-31 ta' Jannar 1986) kien plejer tal-futbol Brażiljan.
Ta' żagħżugħ, Moderato beda jilgħab ma' Esporte Clube 14 de Julho fil-belt ta' Santana do Livramento qabel ma ngħaqad ma' Guarany f'belt twelidu. Fl-1921, issieħeb ma' Palestra Itália (illum magħruf bħala Cruzeiro) u sena wara mar fil-kapitali Rio de Janeiro biex jilgħab ma' Flamengo. Magħhom baqa' jilgħab sal-1930 u rnexxielu jirbaħ il-kampjonat lokali ta' Rio de Janeiro fl-1925 u fl-1927. F'din tal-aħħar, hu skorja l-gowl tar-rebħa fil-logħba deċisiva kontra America fir-rebħa ta' 2–1.
Mat-tim nazzjonali Brażiljan iddebutta fis-6 ta' Diċembru 1925 kontra l-Paragwaj, f'logħba valida għall-Kampjonat Sud-Amerikan 1925. Hu ħa sehem ukoll fl-ewwel edizzjoni tat-Tazza tad-Dinja li saret fl-Urugwaj, u fit-tieni logħba tal-grupp hu skorja żewġ gowls kontra l-Bolivja fir-rebħa ta' 4–0, biex sar it-tieni plejer Brażiljan wara Preguinho li skorja għall-Brażil fit-Tazza tad-Dinja.
Lura fil-Brażil, wara li pajjiżu ma rnexxielhomx joħorġu 'l barra mill-grupp, hu temm il-karriera tiegħu fl-1932 mal-klabb li beda magħhom, Guarany. Magħhom wasal sal-finali tal-Campeonato Gaúcho, fejn tilfu fil-finali 3–0 kontra Grêmio.
Moderato miet ta' 83 sena f'Jannar tal-1986.
Dehriet u gowls internazzjonali –  Brażil | ||||||
|---|---|---|---|---|---|---|
| Data | Belt | Ġo darhom | Riżultat | Ospiti | Kompetizzjoni | Gowls |
| 6 ta' Diċembru 1925 | Buenos Aires | Brażil | 5–2 |  Paragwaj | Kampjonat Sud-Amerikan 1925 | 0 |
| 13 ta' Diċembru 1925 | Buenos Aires | Arġentina  | 4–1 | Brażil | Kampjonat Sud-Amerikan 1925 | 0 |
| 17 ta' Diċembru 1925 | Buenos Aires | Paragwaj | 1–3 | Brażil | Kampjonat Sud-Amerikan 1925 | 0 |
| 25 ta' Diċembru 1925 | Buenos Aires | Brażil | 2–2 | Arġentina | Kampjonat Sud-Amerikan 1925 | 0 |
| 20 ta' Lulju 1930 | Montevideo | Brażil | 4–0 |  Bolivja | Tazza tad-Dinja 1930 | 2 |
| Total | Preżenzi | 5 | Gowls | 2 | ||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
