villaġġ fis-Slovakkja From Wikipedia, the free encyclopedia
Žehra (bil-Ġermaniż: Schigra; bl-Ungeriż: Zsigra) huwa villaġġ u muniċipalità fid-Distrett ta' Spišská Nová Ves fir-Reġjun ta' Košice fiċ-ċentru/fil-Lvant tas-Slovakkja.
| Žehra | |
|---|---|
 Slovakkja | |
 | |
| Amministrazzjoni | |
| Stat sovran | Slovakkja |
| Region of Slovakia | Reġjun ta' Košice |
| District of Slovakia | Distrett ta' Spišská Nová Ves |
| Isem uffiċjali | Žehra |
| Ismijiet oriġinali | Žehra |
| Kodiċi postali |
053 61 (pošta Spišské Vlachy) |
| Ġeografija | |
| Koordinati | 48.9794°N 20.7925°E |
  Žehra Žehra (Slovakia) | |
| Superfiċjenti | 9.658 kilometru kwadru |
| Għoli | 426 m |
| Demografija | |
| Popolazzjoni | 2,602 abitanti (1 Jannar 2021) |
| Informazzjoni oħra | |
| Fondazzjoni | 1245 |
| Kodiċi tat-telefon |
053 |
| Żona tal-Ħin | UTC+1u UTC+2 |
| obeczehra.sk | |
Il-villaġġ jinsab f'altitudni ta' 426 metru[1] u jkopri erja ta' 9.66 km².[2] Għandu popolazzjoni ta' madwar 2,650 ruħ.[3]
Il-Knisja tal-Ispirtu s-Santu f'Žehra hija parti mis-Sit ta' Wirt Dinji tal-UNESCO bit-titlu "Levoča, il-Kastell ta' Spiš u l-monumenti kulturali assoċjati" li ġie ddeżinjat fl-1993. Inizjalment is-Sit ta' Wirt Dinji tal-UNESCO kien jinkludi biss il-Kastell ta' Spiš iżda mbagħad ġie estiż fl-2009 biex jinkludi l-komponenti l-oħra inkluż il-Kunvent ta' Spiš.[4]
Il-valur universali straordinarju tas-sit ġie rrikonoxxut abbażi ta' kriterju tal-għażla wieħed tal-UNESCO: il-kriterju (iv) "Eżempju straordinarju ta' tip ta' bini, ta' grupp ta' siti jew ta' pajsaġġ arkitettoniku jew teknoloġiku li joħroġ fid-dieher stadju/i sinifikanti fl-istorja tal-bniedem".[4]
Il-villaġġ issemma għall-ewwel darba fir-rekords lokali fl-1245, meta l-Konti Johann ta' Žehra ngħata l-permess biex jibni knisja hemmhekk mill-awtoritajiet tal-knisja ta' Spiš.
Il-Knisja tal-Ispirtu s-Santu tlestiet fl-1275. Hija notevoli għad-dehra pittoreska tagħha fil-quċċata ta' għolja żgħira 'l fuq mill-villaġġ, u għall-affreski tal-għaġeb tagħha. L-affreski waslu sa żminijietna minkejja l-ħsarat li ġarrbet il-binja matul is-snin, inkluż nirien fis-seklu 15 li ħakmu l-binja u qerdu s-saqaf oriġinali. Il-kumplament tal-binja huwa magħmul minn struttura b'navata unika, imsaqqfa b'koppli b'għamla ta' basal tas-seklu 17.
L-eqdem affreski mal-ħitan huma sett ta' tmien slaleb tal-konsagrazzjoni, li jimmarkaw il-punti fejn il-binja oriġinali kienet ġiet imbierka bl-ilma mqaddes u jmorru lura għas-seklu 13.
Iktar 'il quddiem fis-seklu 13, stadju ieħor ta' tpittir huwa kkaratterizzat mix-xbieha tal-Golgota fuq it-timpanu tad-daħla tan-Nofsinhar tal-knisja.
Fost l-affreski fis-santwarju, li jmorru lura għas-seklu 14, b'influwenza Biżantina, hemm rappreżentazzjonijiet tal-Aħħar Ġudizzju, tal-Aħħar Ċena, tat-Tneħħija mis-Salib u ta' San Cosmas u San Damjan, il-qaddisin patruni tat-tobba.
Mal-ħajt tat-Tramuntana hemm żewġ affreski notevoli qishom f'"gwarniċ", wieħed tal-Pjetà, u l-ieħor simboliku bis-Siġra tal-Ħajja li jiddrammatizza t-trijonf tal-Knisja fuq is-Sinagoga. L-affreski li saru wara jmorru lura għas-seklu 15.
Dawn il-pitturi ġew ippreservati peress li wara tifqigħa tal-pesta fis-seklu 17, il-knisja minn ġewwa ġiet miksija bit-tkaħħil tal-ġebla tal-ġir għad-diżinfettar. L-affreski reġgħu ġew skoperti fis-snin 50 tas-seklu 20 meta t-tkaħħil tneħħa bl-użu tal-ġobon rurali, teknika effettiva għal dan l-iskop minħabba li fih il-każeina.
Il-knisja ġiet iddikjarata Monument Nazzjonali taċ-Ċekoslovakkja fl-1985, u fl-1993 tniżżlet fil-lista tas-Siti ta' Wirt Dinji tal-UNESCO flimkien mal-Kastell ta' Spiš, il-Kunvent ta' Spiš, ir-Riżerva Naturali Nazzjonali ta' Dreveník (formazzjoni tat-travertin), u mill-2009 ir-raħal ta' Levoča fil-qrib.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
