![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e4/Vemork_July_2018.jpg/640px-Vemork_July_2018.jpg&w=640&q=50)
Sit ta' Wirt Industrijali ta' Rjukan-Notodden
Sit ta' Wirt Dinji tal-UNESCO fin-Norveġja / From Wikipedia, the free encyclopedia
Is-Sit ta' Wirt Industrijali ta' Rjukan-Notodden huwa Sit ta' Wirt Dinji tal-UNESCO fil-kontea ta' Vestfold u Telemark, in-Norveġja, li nħoloq biex jiġi protett il-pajsaġġ industrijali madwar il-Lag ta' Heddalsvatnet u l-Wied ta' Vestfjorddalen. Il-pajsaġġ huwa ċċentrat fuq l-impjant li nbena mill-kumpanija Norsk Hydro għall-produzzjoni tal-fertilizzanti tan-nitrat tal-kalċju min-nitroġenu atmosferiku permezz tal-proċess ta' Birkeland-Eyde. Il-kumpless jinkludi wkoll l-impjanti tal-enerġija idroelettrika, il-linji ferrovjarji, il-linja tat-trażmissjoni, il-fabbriki, l-akkomodazzjoni tal-ħaddiema u l-istituzzjonijiet soċjali fl-irħula ta' Notodden u Rjukan.
![Thumb image](http://upload.wikimedia.org/wikipedia/commons/thumb/e/e4/Vemork_July_2018.jpg/640px-Vemork_July_2018.jpg)
Dan is-sit, flimkien mas-Sit ta' Wirt Industrijali ta' Odda-Tyssedal, tqiegħed fost il-lista ta' siti indikattivi tan-Norveġja fid-19 ta' Ġunju 2009. Fil-5 ta' Lulju 2015, tniżżel fil-lista tas-Siti ta' Wirt Dinji tal-UNESCO.[1]