![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3b/Wroclaw_-_Hala_Stulecia_03a.jpg/640px-Wroclaw_-_Hala_Stulecia_03a.jpg&w=640&q=50)
Sala taċ-Ċentenarju
sala moderna ikonika li tintuża għal diversi skopijiet f’Wrocław, il-Polonja / From Wikipedia, the free encyclopedia
Is-Sala taċ-Ċentenarju (bil-Polakk: Hala Stulecia [ˈxala stuˈlɛtɕa]; bil-Ġermaniż: Jahrhunderthalle [jaːɐ̯ˈhʊndɐthalə]), li qabel kien imsejjaħ Hala Ludowa (“Sala tal-Poplu”), hija binja storika fi Wrocław, il-Polonja. Inbniet skont il-pjanijiet tal-arkitett Max Berg fl-1911-1913, meta l-belt kienet parti mill-Imperu Ġermaniż. Max Berg iddisinja is-Sala taċ-Ċentenarju biex isservi bħala struttura multifunzjonali li tospita l-wirjiet, il-kunċerti, l-ispettakli teatrali u l-opri, u l-avvenimenti sportivi.[1] Is-sala għadha tintuża għall-avvenimenti sportivi u għall-kunċerti.
![Thumb image](http://upload.wikimedia.org/wikipedia/commons/thumb/3/3b/Wroclaw_-_Hala_Stulecia_03a.jpg/640px-Wroclaw_-_Hala_Stulecia_03a.jpg)
Bħala binja ikonika bikrija tal-arkitettura tal-konkos imsaħħaħ, il-binja saret wieħed mill-Monumenti Storiċi (Pomnik historii) nazzjonali uffiċjali tal-Polonja fl-20 ta’ April 2005, flimkien mal-Padiljun tal-Erba’ Koppli, il-Pergola, u l-Iglica, u l-kumpless jiġi ġestit mill-Bord tal-Wirt Nazzjonali tal-Polonja. Is-sala tniżżlet fil-lista tas-Siti ta’ Wirt Dinji tal-UNESCO fl-2006.[2]