![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9d/Second_Folio_Title_Page_of_Macbeth.jpg/640px-Second_Folio_Title_Page_of_Macbeth.jpg&w=640&q=50)
Macbeth
From Wikipedia, the free encyclopedia
Macbeth huwa dramm ta' William Shakespeare li jitratta reġiċidju (qtil ta' re) u x'ġara wara. Hija l-iqsar traġedja ta' Shakespeare u hu maħsub li nkitbet f'xi żmien bejn l-1603 u l-1607.
![Thumb image](http://upload.wikimedia.org/wikipedia/commons/thumb/9/9d/Second_Folio_Title_Page_of_Macbeth.jpg/640px-Second_Folio_Title_Page_of_Macbeth.jpg)
![Thumb image](http://upload.wikimedia.org/wikipedia/commons/thumb/8/81/Lady_Macbeth_Cattermole.jpg/320px-Lady_Macbeth_Cattermole.jpg)
L-għejjun għall-ġrajja kif rakkuntata minn Shakespeare kienu l-ġrajjiet tar-Re Macbeth tal-Iskozja, Macduff, u Duncan fil-Holinshed's Chronicles (1587), storja tal-Ingilterra, Skozja u l-Irlanda familjari għal Shakespeare u għan-nies ta' żmienu. Madankollu l-ġrajja ta' Macbeth kif trattata minn Shakespeare ftit li xejn għandha x'taqsam mal-ġrajjiet storiċi tal-Iskozja, għax fil-verità Macbeth kien re maħbub u ta' ħila.
Fid-dinja ta' wara l-kwinti tat-teatru, xi uħud jemmnu li dan id-dramm hu misħut, u ma jsemmux it-titlu tiegħu b'vuċi għolja, imma minflok jirreferu għalih bħala "id-dramm Skoċċiż". Tul is-sekli, id-dramm ġibed fost l-aqwa atturi tad-dinja għall-partijiet ta' Macbeth u Lady Macbeth. Ġie addattat bħala film, għat-televixin, opra, rumanzi, komiks, u media oħra.