![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e9/Temple_Wat_Xieng_Thong_-_Luang_Prabang_-_Laos.jpg/640px-Temple_Wat_Xieng_Thong_-_Luang_Prabang_-_Laos.jpg&w=640&q=50)
Lista ta' Siti ta' Wirt Dinji fil-Laos
lista tas-Siti ta' Wirt Dinji tal-UNESCO fil-Laos / From Wikipedia, the free encyclopedia
Is-Siti ta' Wirt Dinji tal-Organizzazzjoni tan-Nazzjonijiet Uniti għall-Edukazzjoni, ix-Xjenza u l-Kultura (UNESCO) huma postijiet b'importanza kulturali jew naturali, kif deskritt fil-Konvenzjoni tal-Wirt Dinji tal-UNESCO, li ġiet stabbilita fl-1972.[1] Il-wirt kulturali jikkonsisti minn monumenti (bħal xogħlijiet arkitettoniċi, skulturi monumentali, jew inċiżjonijiet), gruppi ta' binjiet, u siti (fosthom siti arkeoloġiċi). Il-wirt naturali jinkludi karatteristiċi naturali (li jikkonsistu minn formazzjonijiet fiżiċi u bijoloġiċi), ġeoloġiċi u fiżjografiċi (inkluż il-ħabitats ta' speċijiet mhedda ta' annimali u pjanti), u siti naturali li huma importanti mill-puntdivista tax-xjenza, tal-konservazzjoni jew tas-sbuħija naturali.[2] Il-Laos irratifika l-Konvenzjoni fl-20 ta' Marzu 1987, u b'hekk is-siti indikattivi tiegħu setgħu jitqiesu biex jiżdiedu mal-lista tas-Siti ta' Wirt Dinji tal-UNESCO.[3]
![Thumb image](http://upload.wikimedia.org/wikipedia/commons/thumb/e/e9/Temple_Wat_Xieng_Thong_-_Luang_Prabang_-_Laos.jpg/640px-Temple_Wat_Xieng_Thong_-_Luang_Prabang_-_Laos.jpg)
B'kollox il-Laos għandu tliet Siti ta' Wirt Dinji tal-UNESCO u kollha huma siti kulturali. L-ewwel Sit ta' Wirt Dinji tal-UNESCO mil-Laos, ir-Raħal ta' Luang Prabang, żdied fl-1995. L-iżjed sit li żdied reċentement mil-Laos huwa s-Siti tal-Ġarer Megalitiċi fi Xiengkhuang – il-Pjanura tal-Ġarer, fl-2019.