From Wikipedia, the free encyclopedia
L-Ewwel Diviżjoni tal-Football League kienet l-ogħla diviżjoni tal-Football League bejn l-1993 u l-2004, u kumplessivament kienet l-ogħla diviżjoni tal-futbol Ingliż bejn l-1892 u l-1992.
 | |
| Sport | Futbol |
|---|---|
| Fundazzjoni | 1888 |
| Abolita | 2004 |
| Nru. ta' timijiet | 24 |
| Reġjun |
Ingilterra Wales |
| Ċampjin attwali |
Norwich City (2003–04) |
| L-aktar rebħiet | Liverpool |
| Promozzjoni għal | Premier League |
| Relegazzjoni għal | Tieni Diviżjoni tal-Football League |
Il-fundazzjoni tal-Football League saret fl-1888 mid-direttur tal-klabb ta' Aston Villa William McGregor. Oriġinarjament din kienet tikkonsisti minn diviżjoni waħda magħmula minn tnax-il klabb (Accrington, Aston Villa, Blackburn Rovers, Bolton Wanderers, Burnley, Derby County, Everton, Notts County, Preston North End, Stoke (issa Stoke City), West Bromwich Albion u Wolverhampton Wanderers), sempliċement magħrufa bħala The Football League. Meta fl-1892, dan il-kampjonat beda jaċċetta membri mill-Football Alliance, tal-ewwel kien maqsum f'żewġ diviżjonijiet; il-kampjonat oriġinarju ġie estiż (bl-aqwa żewġ klabbs tal-Alliance jingħaqdu) u ġie msemmi bl-isem il-ġdid ta' L-Ewwel Diviżjoni, waqt li l-kumplament tal-membri tal-Alliance ġew ammessi fit-Tieni Diviżjoni.
Għall-mitt sena ta' wara, l-Ewwel Diviżjoni kien bla ebda dubju l-aqwa kampjonat professjonali fil-futbol Ingliż. Wara, fl-1992 it-22 klabb li kienu jagħmlu parti mill-Ewwel Diviżjoni ddeċidew li jirriżenjaw mill-Football League u jiffurma l-FA Premier League. Hekk għamlu, u permezz ta' din it-tranżizzjoni l-istatus tagħhom bħala l-ikbar u l-aktar klabbs sinjuri fil-pajjiż aktar kiber, waqt li n-negozjati għad-drittijiet televiżivi saru jagħtu aktar profitt. Il-Football League kien sussegwentamant ri-organnizat, bit-Tieni, it-Tielet u r-Raba' Diviżjoni jiġu msemmija l-Ewwel, it-Tieni u t-Tielet rispettivament. B'hekk, l-Ewwel Diviżjoni, waqt li xorta baqgħet fl-ogħla livell tal-Football League, issa niżlet fit-tieni livell mis-sistema totali tal-kampjonat Ingliż, biex b'hekk l-aqwa timijiet wirtu s-sistema ta' logħba eliminatorji li toffri l-promozzjoni mit-Tieni Diviżjoni l-antika.
L-isem tal-Ewwel Diviżjoni tbiddel għal Football League Championship qabel il-bidu tal-istaġun 2004–05, għal raġunijiet kummerċjali. Madanakollu, din xorta tibqa' fit-tieni livell tal-futbol Ingliż.
L-Ewwel Diviżjoni fil-bidu kienet tikkonsisti mit-tnax-il klabb fundatur; minn dakinhar din id-diviżjoni esperjenzat estenzjoni hekk kif il-futbol beda jsir aktar popolari waqt li l-kwalità tat-timijiet kiber ukoll. Kien hemm ukoll serje ta' tnaqqis lejn tmiem is-snin tmenin, però dawn ma tantx damu, kif inhu deskritt f'din it-tabella:
| Nu. ta' klabbs | Minn | Sa |
|---|---|---|
| 12 | 1888 | 1891 |
| 14 | 1891 | 1892 |
| 16 | 1892 | 1898 |
| 18 | 1898 | 1905 |
| 20 | 1905 | 1915 |
| 22 | 1919 | 1987 |
| 21 | 1987 | 1988 |
| 20 | 1988 | 1991 |
| 22 | 1991 | 1995 |
| 24† | 1995 | 2004 |
† bħala d-diviżjoni fit-tieni livell tal-futbol Ingliż (mill-1995)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
