![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a5/Les_Falaises_de_Bandiagara.jpg/640px-Les_Falaises_de_Bandiagara.jpg&w=640&q=50)
Irdumijiet ta' Bandiagara
irdumijiet b'sensiela ta' abitazzjonijiet tradizzjonali fl-art tad-Dogoni fil-Mali / From Wikipedia, the free encyclopedia
L-Irdumijiet ta' Bandiagara (bl-Għarbi: منحدرات باندياغارا الصخرية, bil-Franċiż: falaise de Bandiagara) jinsabu fl-art tad-Dogoni fil-Mali. L-irdumijiet tal-ġebel ramli huma għoljin madwar 500 metru (1,600 pied) 'il fuq mill-artijiet ċatti bir-ramel lejn in-Nofsinhar. L-irdumijiet huma twal madwar 200 kilometru (120 mil), huma orjentati min-Nofsinhar għall-Grigal, u huma estiżi tal-katina muntanjuża ta' Grandamia. Tmiem l-irdumijiet huwa mmarkat b'Hombori Tondo, l-ogħla quċċata tal-Mali b'għoli ta' 1,155 metru (3,789 pied).
![Thumb image](http://upload.wikimedia.org/wikipedia/commons/thumb/6/6e/Tellem_Dwelling_Bandiagara_Escarpment_Mali.jpg/640px-Tellem_Dwelling_Bandiagara_Escarpment_Mali.jpg)
![Thumb image](http://upload.wikimedia.org/wikipedia/commons/thumb/a/a5/Les_Falaises_de_Bandiagara.jpg/640px-Les_Falaises_de_Bandiagara.jpg)
L-inħawi tal-irdumijiet illum il-ġurnata huma abitati mill-poplu tad-Dogoni. Qabilhom, l-irdumijiet kienu abitati mill-popli Tellem u Toloy. Għad fadal bosta strutturi minn żmien il-poplu Tellem. L-Irdumijiet ta' Bandiagara tniżżlu fil-lista tas-Siti ta' Wirt Dinji tal-UNESCO fl-1989.[1] Minħabba l-karatteristiċi arkeoloġiċi, etnoloġiċi u ġeoloġiċi, is-sit kollu huwa ta' interess.