Festival tal-Eurovision 1956
From Wikipedia, the free encyclopedia
Il-Festival tal-Eurovision 1956 kien l-ewwel edizzjoni tal-Festival tal-Eurovision, u dan sar f'Lugano, l-Iżvizzera. Din l-ewwel edizzjoni kienet aktar programm tar-radju, minkejja li kien hemm xorta waħda kameras fl-istudjo għall-benefiċċju tal-ftit Ewropej li kellhom televiżjoni. Id-differenza li din l-edizzjoni kellha mill-kompetizzjonijiet l-aktar riċenti, hi li kull pajjiż seta' jibgħat żewġ kanzunetti minflok waħda.
Festival tal-Eurovision 1956 | |
---|---|
Dati | |
Data tal-finali | 24 ta' Mejju 1956 |
Ospitu | |
Sala | Teatro Kursaal, Lugano, Żvizzera |
Preżentatur(i) | Lohengrin Filipello |
Konduttur | Fernando Paggi |
Att tal-intervall | Les Joyeux Rossignols u Les Trois Ménestrels |
Parteċipanti | |
Numru ta' parteċipanti | 14 |
Vote | |
Kanzunetta rebbieħa | Żvizzera "Refrain" |
Festival tal-Eurovision | |
[[ |►]] |
Kien ġie rakkomandat bil-qawwi li kull pajjiż parteċipant ikollu festival nazzjonali preliminarju. L-Awstrija, id-Danimarka u r-Renju Unit ġew skwalifikati mis-serata finali, minħabba li kollha rreġistraw wara l-aħħar data ta' sottomissjoni.
Kull pajjiż parteċipant bagħat żewġ ġuriji f'Lugano, minbarra l-Lussemburgu li ħallew lill-ġurija Żvizzera biex jivvutaw għal posthom.
L-ebda rikording tal-vidjo tal-avveniment kollu mhu magħruf li salva, minkejja li rikording akustiku jeżisti (minkejja li għoxrin minuta huma neqsin mit-tmiem tal-ewwel parti tal-att tal-intervall sal-bidu tat-tħabbira tar-rebbieħ). Jidher li l-uniku vidjo minn dan il-konkors li baqa' intatt juri l-esebizzjoni tal-kanzunetta "Refrain" mingħand Assia wara r-rebħ tal-ewwel edizzjoni.
Regola waħda ta' dan il-konkors hu li kull pajjiż kellu jkollu finali nazzjonali; din ir-regola ġiet imwaqqa' fis-snin ta' wara u xi pajjiżi għażlu li jagħżlu l-kanzunetta internament.