Diana, Prinċipessa ta' Wales

Diana, Prinċipessa ta' Wales (imwielda Diana Frances Spencer; twieldet fl-1 ta' Lulju 1961 – mietet fil-31 ta' Awwissu 1997), kienet membru tal-familja rjali Brittanika. Hija kienet l-ewwel mara ta' Karlu, Prinċep ta' Wales — il-werriet apparenti tat-tron Brittaniku — u omm il-Prinċep William u l-Prinċep Harry. L-attiviżmu u l-apparenza ta' Diana wassluha biex tkun ikona internazzjonali u b'hekk kisbet popolarità dejjiema kif ukoll skrutinju pubbliku bla preċedent, li intensifikaw madwar il-ħajja privata tagħha li kienet tevolvi b'mod kostanti.

Diana, Prinċipessa ta' Wales
Ħajja
Isem propju	Diana Frances Spencer
Twelid	Sandringham House, 1 Lulju 1961
Nazzjonalità	Renju Unit
Residenza	Althorp Sandringham Kensington Palace (en) Highgrove House
L-ewwel lingwa	Ingliż Brittaniku
Mewt	Pitié-Salpêtrière Hospital (en) , 31 Awwissu 1997
Post tad-dfin	Althorp
Kawża tal-mewt	mewta aċċidentali (car collision (en) )
Familja
Missier	John Spencer, 8th Earl Spencer
Omm	Frances Shand Kydd
Konjuga/i	Karlu III  (29 Lulju 1981 -  28 Awwissu 1996)
Koppja/i	Dodi Fayed Hasnat Khan (en) James Hewitt (en)
Ulied	uri William, Prince of Wales (en) Prince Harry, Duke of Sussex (en)
Aħwa	uri Jane Fellowes, Baroness Fellowes (en) Sarah McCorquodale (en) John Spencer (en) Charles Spencer, 9th Earl Spencer (en)
Familja	uri Adam Shand Kydd (en) (stepbrother (en) ) John Shand Kydd (en) (stepbrother (en) ) Angela Shand Kydd (en) (stepsister (en) ) Albert Spencer, 7th Earl Spencer (en) (paternal grandfather (en) ) Cynthia Spencer, Countess Spencer (en) (paternal grandmother (en) ) Ruth Roche, Baroness Fermoy (en) (maternal grandmother (en) ) Frances Ellen Work (en) (great-grandmother (en) )
Tribù	House of Spencer (en) familja ta' Windsor
Edukazzjoni
Alma mater	West Heath Girls' School (en) 1977) Institut Alpin Videmanette (en) Riddlesworth Hall School (en)
Lingwi	Ingliż Lingwa tas-Sinjali Brittanika
Okkupazzjoni
Okkupazzjoni	ambjentalist filantropu umanitarju persuna prominenti aristokratiku kindergarten teacher (en) attivista tal-ġlieda kontra l-HIV/AIDS benefactor (en) attivist tal-paċi mental health advocate (en)
Premjijiet	List Order of the Virtues Royal Family Order of Elizabeth II  (1981) Order of the Crown (Netherlands)
Psewdonomu	Lady Diu Princess Diana

Bijografija

Diana twieldet f'familja nobbli Brittanika u trabbiet qrib il-familja rjali fil-proprjetà tagħhom ta' Sandringham. Fl-1981, hi u taħdem bħala assistent ta' għalliem ta' skola tan-nuna, hija tgħarrset mal-Prinċep Karlu, l-iben il-kbir tar-Reġina Eliżabetta II. It-tieġ tagħhom seħħ fil-Katidral ta' San Pawl fl-1981 u b'hekk saret il-Prinċipessa ta' Wales, rwol li għalih intlaqgħet b'entużjażmu mill-pubbliku. Il-koppja kellha żewġ subien, William u Harry, li dak iż-żmien kienu t-tieni u t-tielet dixxendenti suċċessuri tat-tron Brittaniku. Madankollu, iż-żwieġ ta' Diana u Karlu, bata minħabba n-nuqqas ta' kompatibbiltà bejniethom u relazzjonijiet barra ż-żwieġ. Huma sseparaw fl-1992, ftit wara li l-isfaxxar tar-relazzjoni tagħhom ħareġ fil-beraħ. Id-dettalji dwar id-diffikultajiet tagħhom fiż-żwieġ kulma jmur ħarġu fl-isfera pubblika, u ż-żwieġ bejniethom spiċċa f'divorzju fl-1996.

Bħala l-Prinċipessa ta' Wales, Diana wettqet dmirijiet irjali f'isem ir-Reġina u rrappreżentata f'avvenimenti fil-pajjiżi tal-Commonwealth. Hija kienet iċċelebrata fil-mezzi tax-xandir għall-approċċ mhux konvenzjonali tagħha għax-xogħol tal-karità. Il-patroċinji tagħha inizjalment kienet iċċentrati fuq it-tfal u l-anzjani, iżda iktar 'il quddiem saret magħrufa għall-involviment tagħha f'żewġ kampanji partikolari, waħda li tinvolvi l-attitudnijiet soċjali u l-aċċettazzjoni fil-konfront tal-pazjenti bl-AIDS, u l-oħra promossa permezz tas-Salib l-Aħmar Internazzjonali għat-tneħħija tal-mini splussivi tal-art. Hija qajmet kuxjenza u tkellmet favur ukoll modi kif in-nies affettwati mill-kanċer u mill-mard mentali setgħu jiġu megħjuna. Il-Prinċipessa inizjalment kienet partikolarment mistħija, iżda l-kariżma u l-karattru amikevoli tagħha qarrbuha mal-pubbliku u għenuha żżomm ir-reputazzjoni tagħha minkejja l-isfaxxar taż-żwieġ tagħha. Hija kienet meqjusa fotoġenika ħafna, u kienet minn ta' quddiem nett fil-moda fis-snin 80 u 90 tas-seklu 20. Il-mewt ta' Diana f'ħabta bil-karozza f'Pariġi wasslet għal vistu pubbliku estensiv u attenzjoni globali fil-mezzi tax-xandir. Il-legat tagħha kellu impatt qawwi fuq il-familja rjali u s-soċjetà Brittanika.^[1]

Referenzi

1. "Diana's Legacy: A Reshaped Monarchy, a More Emotional U.K. - The New York Times". web.archive.org. 2017-08-31. Arkivjat mill-oriġinal fl-2017-08-31. Miġbur 2021-08-31.Manutenzjoni CS1: BOT: url-oriġinali status mhux magħruf (link)