Вихманн, Ӱрйӧ
From Wikipedia, the free encyclopedia
Ӱрйӧ Вихманн (финнлӓ Yrjö Wichmann (1868–1932) — 1920–1932-шы ивлӓ лошты Хельсинки университетӹштӹ финн-угр йӹлмӹвлӓн профессорын пӓшӓжӹм ӹштен. Финн-Угр Ушемӹн стипедиатшы семӹнь 1891–1892 дӓ 1894-шӹ ин удмурт йӹлмӹм дӓ 1905-1906-шы ивлӓн мары йӹлмӹвлӓм шӹмлен. Кырык сирӹштӹ ылмыжы годым Йоласалышты кӹм тӹлзӹ (1905-шӹ ин октябрь гӹц 1906-шы ин январь якте) ӹлен, туан йӹдмӹнӓм шӹмлен дӓ махань-шон фотографивлӓм ӹштен. «Кырык мары районын солавлӓн историштӹ« книгӓштӹ анжыктымы Йоласал церкӹн фотожы тӹдӹн ылеш. Йоласалышты тӹдӹ вӓтӹжӹ Йулиа Вихманн доно иквӓреш ылыныт. Тидӹ гишӓн 2007-шӹ ин лӓкшӹ Цикмӓ журналышты пӓлен нӓлӓш лиэш. Вихманн тенгеок коми дӓ Трансильваништӹ ӹлӹшӹ чанго-венгрвлӓн йӹлмӹштӹм шӹмлен.