From Wikipedia, the free encyclopedia
१९५० फिफा विश्वचषक ही फिफाच्या विश्वचषक ह्या फुटबॉल स्पर्धेची चौथी आवृत्ती ब्राझील देशामध्ये २४ जून ते १६ जुलै १९५० दरम्यान खेळवण्यात आली. दुसऱ्या महायुद्धामुळे १९४२ व १९४६ सालच्या स्पर्धा रद्द केल्या गेल्यामुळे १९३८ च्या विश्वचषकानंतर १२ वर्षांनी ही स्पर्धा भरवली गेली. जगातील ३७ देशांच्या राष्ट्रीय फुटबॉल संघांनी ह्या स्पर्धेच्या पात्रता फेरीत भाग घेतला ज्यांपैकी १५ संघांची अंतिम स्पर्धेसाठी निवड करण्यात आली.
IV Campeonato Mundial de Futebol | |
---|---|
स्पर्धा माहिती | |
यजमान देश | ब्राझील |
तारखा | २४ जून – १६ जुलै |
संघ संख्या | १५ |
स्थळ | ६ (६ यजमान शहरात) |
अंतिम निकाल | |
विजेता | उरुग्वे (२ वेळा) |
उपविजेता | ब्राझील |
तिसरे स्थान | स्वीडन |
चौथे स्थान | स्पेन |
इतर माहिती | |
एकूण सामने | २२ |
एकूण गोल | ८८ (४ प्रति सामना) |
प्रेक्षक संख्या | १०,४३,५०० (४७,४३२ प्रति सामना) |
← १९३८ १९५४ → | |
उरुग्वेने अंतिम साखळी गटात यजमान ब्राझीलला २–१ असे पराभूत करून दुसरे अजिंक्यपद मिळवले. विजेतेपदासाठी अंतिम फेरीचा सामना न खेळवला गेलेला हा आजवरचा एकमेव विश्वचषक आहे.
दुसऱ्या महायुद्धात पराभूत जर्मनी व जपानला ह्या स्पर्धेचे आमंत्रण नव्हते. तसेच पूर्व युरोपातील सर्व देशांनी ह्या स्पर्धेवर बहिष्कार टाकला होता. आशिया गटामधून बर्मा, फिलिपाईन्स व इंडोनेशियाने असमर्थता दाखल्यामुळे भारत देशाला विश्वचषकात खेळण्याची प्रथमच पात्रता मिळाली.
स्पर्धा सुरू होण्यापूर्वी भारताने प्रवासखर्च, संघाला सरावाचा अभाव व संघनिवडीच्या समस्या इत्यादी कारणांस्तव ह्या स्पर्धेमधून अंग काढून घेतले. फ्रान्सने देखील प्रवासखर्चाचे कारण दाखवत ह्या स्पर्धेत भाग घेण्यास नकार दिला. ह्यामुळे केवळ १३ देशांचे संघ ह्या स्पर्धेत खेळले.
ब्राझिलमधील सहा शहरांमध्ये सामने खेळवण्यात आले.
रियो दि जानेरो | साओ पाउलो | बेलो होरिझोन्ते |
---|---|---|
माराकान्या | Estádio do Pacaembu | Estádio Sete de Setembro |
26°14′5.27″S 27°58′56.47″E | 33°54′12.46″S 18°24′40.15″E | 29°49′46″S 31°01′49″E |
क्षमता: 199,854 | क्षमता: 60,000 | क्षमता: 30,000 |
१९५० फिफा विश्वचषक (ब्राझील) | ||
कुरितिबा | पोर्तू अलेग्री | रेसिफे |
23°55′29″S 29°28′08″E | 25°27′42″S 30°55′47″E | 29°07′02.25″S 26°12′31.85″E |
Estádio Vila Capanema | Estádio dos Eucaliptos | Estádio Ilha do Retiro |
क्षमता: 10,000 | क्षमता: 20,000 | क्षमता: 10,000 |
[ चित्र हवे ] |
ह्या स्पर्धेमध्ये १५ पात्र संघांना ४ गटांत विभागण्यात आले व साखळी पद्धतीने लढती घेतल्या गेल्या. बाद फेरीऐवजी सर्वोत्तम चार संघांमध्ये पुन्हा एकदा साखळी फेरी खेळवली गेली. ह्या अंतिम साखळीमधील सर्वोत्तम संघाला विजेतेपद देण्यात आले.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.