युएफा युरोपियन फुटबॉल अजिंक्यपद
From Wikipedia, the free encyclopedia
युएफा यूरो फुटबॉल अजिंक्यपद (इंग्लिश: UEFA European Football Championship) ही युरोप खंडामधील देशांच्या राष्ट्रीय फुटबॉल संघांची एक स्पर्धा आहे. युएफा ही युरोपियन फुटबॉल संस्था दर ४ वर्षांनी ह्या स्पर्धेचे आयोजन करते. इ.स. १९६० साली पहिली यूरो स्पर्धा खेळवली गेली. ह्या स्पर्धेत युरोपातील १६ देशांचे राष्ट्रीय फुटबॉल संघ भाग घेतात. दर स्पर्धेआधी प्रदीर्घ पात्रता फेऱ्या खेळवण्यात येतात ज्यांमधून हे १६ संघ निवडले जातात. यूरो २०१२ जिंकणारा स्पेन हा सद्य विजेता देश आहे.
जलद तथ्य स्थापना, प्रदेश ...
स्थापना | इ.स. १९६० |
---|---|
प्रदेश | युरोप (युएफा) |
संघांची संख्या |
५२ (पात्रता फेरी) १६ (अंतिम स्पर्धा) |
सद्य विजेते | स्पेन |
सर्वाधिक विजय |
जर्मनी, स्पेन (३ वेळा विजेते) |
युएफा यूरो २०१२ |
बंद करा
आजवर खेळवण्यात आलेल्या १३ स्पर्धांपैकी जर्मनी व स्पेन देशांनी ३, फ्रान्सने २ वेळा तर इटली, चेकोस्लोव्हाकिया, नेदरलँड्स, डेन्मार्क, ग्रीस व सोव्हिएत संघ देशांनी एकवेळा अजिंक्यपद मिळवले आहे.