![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ea/Istanbul_and_Bosporus_big.jpg/640px-Istanbul_and_Bosporus_big.jpg&w=640&q=50)
बोस्फोरस
From Wikipedia, the free encyclopedia
बोस्फोरस (तुर्की: Boğaziçi, ग्रीक: Βόσπορος, बल्गेरियन: Босфора), किंवा इस्तंबूलची सामुद्रधुनी (तुर्की: İstanbul Boğazı) ही युरोप व आशिया ह्यांची सीमा ठरवणारी एक सामुद्रधुनी आहे. ही सामुद्रधुनी मार्माराच्या समुद्राला काळ्या समुद्रासोबत जोडते. बोस्फोरस व डार्डेनेल्झ ह्या तुर्कस्तानमधील सामुद्रधुन्या जलवाहतूकीसाठी वापरले जाणारे सर्वात अरुंद जलमार्ग आहेत. ह्या दोन सामुद्रधुन्यांमार्फत काळ्या समुद्रापासून एजियन समुद्रापर्यंत (पर्यायाने भूमध्य समुद्रापर्यंत जलवाहतूक शक्य होते.
![Thumb image](http://upload.wikimedia.org/wikipedia/commons/thumb/9/91/%E0%A4%AC%E0%A5%8B%E0%A4%B8%E0%A5%8D%E0%A4%AB%E0%A5%8B%E0%A4%B0%E0%A4%B8_%E0%A4%A1%E0%A4%BE%E0%A4%B0%E0%A5%8D%E0%A4%A1%E0%A5%87%E0%A4%A8%E0%A5%87%E0%A4%B2%E0%A5%8D%E0%A4%9D.png/320px-%E0%A4%AC%E0%A5%8B%E0%A4%B8%E0%A5%8D%E0%A4%AB%E0%A5%8B%E0%A4%B0%E0%A4%B8_%E0%A4%A1%E0%A4%BE%E0%A4%B0%E0%A5%8D%E0%A4%A1%E0%A5%87%E0%A4%A8%E0%A5%87%E0%A4%B2%E0%A5%8D%E0%A4%9D.png)
![Thumb image](http://upload.wikimedia.org/wikipedia/commons/thumb/e/ea/Istanbul_and_Bosporus_big.jpg/640px-Istanbul_and_Bosporus_big.jpg)
बोस्फोरसची लांबी ३१ किमी असून कमाल रूंदी ३,४२० मी तर किमान रूंदी ७०४ मी इतकी आहे तर सरासरी खोली २१३ फूट आहे. बोस्फोरसच्या दोन्ही किनाऱ्यांवर इस्तंबूल शहर वसले आहे.