योगी आदित्यनाथ

महंत योगी आदित्यनाथ (जन्म अजय सिंह बिष्ट, ५ जून १९७२) हे एक भारतीय राजकारणी, महंत व उत्तर प्रदेशचे विद्यमान मुख्यमंत्री आहेत. ते भारतीय जनता पक्षाचे सदस्य असून १९९८ सालापासून गोरखपूर मतदारसंघातून लोकसभेवर निवडून येत आहेत. आदित्यनाथ हे गोरखपूर येथील गोरखनाथ मंदिराचे प्रमुख महंत आहेत. ते दिवंगत खासदार व हिंदू महासभेचे अध्यक्ष महंत अवैद्यनाथ ह्यांचे वारसदार मानले जातात.

योगी आदित्यनाथ
उत्तर प्रदेशचे मुख्यमंत्री
विद्यमान
पदग्रहण 19 मार्च 2017
राज्यपाल	राम नाईक
मागील	अखिलेश यादव
लोकसभा सदस्य गोरखपूर साठी
विद्यमान
पदग्रहण १९९८
मागील	महंत अवैद्यनाथ
जन्म	५ जून, १९७२ (1972-06-05) (वय: ५२) पंचूड, पौडी गढवाल, उत्तराखंड
राजकीय पक्ष	भारतीय जनता पक्ष
पत्नी	अविवाहित

२०१७ विधानसभा निवडणुकीत भाजपला घवघवीत यश मिळाल्यानंतर उत्तर प्रदेशच्या मुख्यमंत्रीपदासाठी आदित्यनाथ ह्यांचे नाव सुचवले गेले होते. १८ मार्च २०१७ रोजी झालेल्या भाजपच्या विधिमंडळ बैठकीत त्यांच्या नावावर शिक्कामोर्तब केले गेले व १९ मार्च रोजी त्यांनी मुख्यमंत्रीपदाची शपथ घेतली. आदित्यनाथ जहाल हिंदूवादी मानले जातात व त्यांच्यावर अनेकदा प्रक्षोभक विधाने केल्याचा आरोप झाला आहे. परंतु मुख्यमंत्री बनल्यावर घेतलेल्या पत्रकार परिषदेत त्यांनी आपण कोणताही भेदभाव न करता राज्याच्या विकासावर लक्ष केंद्रित करणार असल्याचे जाहीर केले.

बाह्य दुवे

विकिमीडिया कॉमन्सवर

योगी आदित्यनाथ

संबंधित संचिका आहेत

• अधिकृत संकेतस्थळ