![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ee/Moscow_StBasilCathedral_d18.jpg/640px-Moscow_StBasilCathedral_d18.jpg&w=640&q=50)
सेंट बेसिल कॅथेड्रल
From Wikipedia, the free encyclopedia
सेंट बेसिल कॅथेड्रल (रशियन: Собор Василия Блаженного) हे रशिया देशाच्या मॉस्को शहरातील लाल चौकामध्ये स्थित असलेले एक ऐतिहासिक चर्च आहे. १६५५ साली तत्कालीन झार इव्हान द टेरिबलने कझान व आस्त्राखानवर मिळवलेला विजय साजरा करण्यासाठी हे चर्च बांदण्याचा आदेश दिला. १२ जुलै १५६१ रोजी बांधून पूर्ण झालेले हे चर्च मॉस्को क्रेमलिनचा भाग असून ते मॉस्कोमधील सर्वात लोकप्रिय व प्रसिद्ध इमारतींपैकी एक आहे. ह्या चर्चची वास्तूरचना रशियामधील इमारतींपेक्षा पूर्णपणे वेगळी असून ह्यासमान रचनेची इतर एकही इमारत रशियामध्ये अस्तित्वात नाही.
![Thumb image](http://upload.wikimedia.org/wikipedia/commons/thumb/e/ee/Moscow_StBasilCathedral_d18.jpg/640px-Moscow_StBasilCathedral_d18.jpg)
सोव्हिएत संघाच्या नास्तिकतेच्या धोरणांमुळे सोव्हिएत सरकारने १९२८ साली हे चर्च ताब्यात घेतले व येथील धार्मिक कामकाज पूर्णपणे थांबवले. आजही हे चर्च रशिया सरकारच्या मालकीचे असून ते एक वस्तूसंग्रहालय म्हणून वापरले जाते. १९९० सालापासून ते युनेस्कोचे जागतिक वारसा स्थान आहे.